ಹಣದ ಕೊರತೆಯಿಂದಾಗಿ ಎಕ್ಸ್ ರೇ ವರದಿಯನ್ನು ತಮಿಳುನಾಡಿನ ಕೋವಿಲಪಟ್ಟಿ ಸರ್ಕಾರಿ ಆಸ್ಪತ್ರೆಯಲ್ಲಿ ಬಿಳಿ ಹಾಳೆಯ ಮೇಲೆ ಪ್ರಿಂಟ್ ಮಾಡಲಾಗಿದೆ. ಫಿಲ್ಮ್ಸಂ ದರ ದುಬಾರಿಯಾದ ಹಿನ್ನೆಲೆ ಈ ರೀತಿ ಮಾಡಬೇಕಾಯ್ತು ಎಂದು ಸರ್ಕಾರಿ ಆಸ್ಪತ್ರೆ ಅಧಿಕಾರಿಗಳು ಹೇಳಿದ್ದಾರೆ.
ಕಳೆದ 1 ತಿಂಗಳಿನಿಂದ ಇದೇ ರೀತಿ ಬಿಳಿ ಹಾಳೆಯ ಮೇಲೆ ಎಕ್ಸ್ ರೇ ವರದಿ ನೀಡುತ್ತಿದ್ದಾರೆ ಎಂದು ಗ್ರಾಮಸ್ಥರು ದೂರಿದ್ದಾರೆ. ಈ ರೀತಿ ಮಾಡೋದ್ರಿಂದ ನಮಗೆ ಬೇರೆ ವೈದ್ಯರ ಬಳಿ ನಮಗಿರುವ ಸಮಸ್ಯೆಯ ಬಗ್ಗೆ ಪರ್ಯಾಯ ಅಭಿಪ್ರಾಯ ಪಡೆಯಲೂ ಸಾಧ್ಯವಾಗ್ತಿಲ್ಲ ಎಂದು ಹೇಳಿದ್ದಾರೆ.
ಇನ್ನು ಈ ವಿಚಾರವಾಗಿ ಪ್ರತಿಕ್ರಿಯೆ ನೀಡಿದ ತೂತಕುಡಿ ಮೆಡಿಕಲ್ ಆಸ್ಪತ್ರೆ ಡೀನ್ ಡಾ. ನೆಹ್ರು, ಎಕ್ಸ್ ರೇಯನ್ನು ಕಾಗದದ ಮೇಲೆ ಪ್ರಿಂಟ್ ಮಾಡೋದ್ರಿಂದ ಯಾವುದೇ ಸಮಸ್ಯೆ ಆಗೋದಿಲ್ಲ ಎಂದು ಹೇಳಿದ್ದಾರೆ.
ಇದೇ ವಿಚಾರವಾಗಿ ಮಾತನಾಡಿದ ಮೆಡಿಕಲ್ ಸೂಪರಿಟೆಂಡೆಂಟ್ ಡಾ. ಕಮಲವಾಸನ್, ಕಳೆದ ಕೆಲ ವಾರಗಳಿಂದ ಫಿಲ್ಲ್ಸಂಗಳು ಲಭ್ಯವಿಲ್ಲ. ಹೀಗಾಗಿ ಕಾಗದದ ಮೇಲೆ ಎಕ್ಸ್ ರೇ ವರದಿ ನೀಡುವುದು ಅನಿವಾರ್ಯವಾಗಿದೆ. ಆದರೆ ಬಿಳಿ ಹಾಳೆಯ ಮೇಲೆ ಎಕ್ಸ್ ರೇಗಳನ್ನು ಮುದ್ರಿಸಿದ್ರೆ ಗುಣಮಟ್ಟದ ಕೊರತೆ ಉಂಟಾಗುತ್ತದೆ ಎಂದು ಹೇಳಿದ್ರು.
Loading ...