ಕೆಲವೊಂದು ವಾದ್ಯಗಳನ್ನು ನುಡಿಸಿದ ತಕ್ಷಣ ಬೇಡಬೇಡವೆಂದರೂ ಜನರು ಸ್ಟೆಪ್ ಹಾಕಲು ಶುರು ಮಾಡುತ್ತಾರೆ. ಅದರಲ್ಲಿಯೂ ಮದುವೆಯ ಮೆರವಣಿಗೆ ವೇಳೆ ಬಾರಿಸುವ ಡೋಲಿಗೆ ಮನಸೋಲದವರೇ ಇಲ್ಲವೆನ್ನಬಹುದೇನೋ. ಅಂಥದ್ದೇ ಒಂದು ವಿಡಿಯೋ ಇದೀಗ ವೈರಲ್ ಆಗಿದೆ.
ಡೋಲಿಗೆ ಇಬ್ಬರು ಪುಟಾಣಿ ಬಾಲಕಿಯರು ಹೆಜ್ಜೆ ಹಾಕಿರುವ ವಿಡಿಯೋ ಇದಾಗಿದೆ. ಇದಾಗಲೇ ಈ ವಿಡಿಯೋ 39 ಮಿಲಿಯನ್ ವೀಕ್ಷಣೆಗಳನ್ನು ಹೊಂದಿದೆ.
ಈಗ ವೈರಲ್ ಆಗಿರುವ ವಿಡಿಯೋದಲ್ಲಿ ಇಬ್ಬರು ಬಾಲಕಿಯರು ಮನೆಯ ಹೊರಗೆ ಕುಳಿತಿರುತ್ತಾರೆ. ಆ ವೇಳೆ ಮದುವೆಯ ಮೆರವಣಿಗೆ ಬೀದಿಯಲ್ಲಿ ಬರುತ್ತದೆ. ಆಗ ಬಾರಿಸುವ ಡೋಲಿಗೆ ಮೊದಲು ಒಬ್ಬ ಬಾಲಕಿ ನರ್ತಿಸುತ್ತಾಳೆ. ನಂತರ ಇನ್ನೊಬ್ಬಳನ್ನೂ ಆಕೆ ಹುರಿದುಂಬಿಸುತ್ತಾಳೆ. ನಂತರ ಇಬ್ಬರೂ ಸೇರಿ ಸ್ಟೆಪ್ ಹಾಕುತ್ತಾರೆ.
ಅಲ್ಲಿಯೇ ಇದ್ದವರು ಇದರ ವಿಡಿಯೋ ಮಾಡಿ ಶೇರ್ ಮಾಡಿದ್ದಾರೆ. ಪುಟ್ಟ ಮಕ್ಕಳ ನೃತ್ಯಕ್ಕೆ ನೆಟ್ಟಿಗರು ಮನಸೋತಿದ್ದಾರೆ.
Loading ...