ಕಾಲೇಜಿನಲ್ಲಿ ಪದವಿಯನ್ನು ಸ್ವೀಕರಿಸುವುದು ವ್ಯಕ್ತಿ ಮಾತ್ರವಲ್ಲದೆ ಅವರ ಹೆತ್ತವರಿಗೂ ಹೆಮ್ಮೆ ಕ್ಷಣ. ತಮ್ಮ ಜೀವನದುದ್ದಕ್ಕೂ ಇದು ಅಮೂಲ್ಯವಾದ ಮೈಲಿಗಲ್ಲು. ಇದಕ್ಕೆ ಉತ್ತಮ ಉದಾಹರಣೆ 78 ನೇ ವಯಸ್ಸಿನಲ್ಲಿ ಪದವಿ ಪಡೆದ ವ್ಯಕ್ತಿಯೊಬ್ಬರ ವೀಡಿಯೊ.
ಬ್ರೆಜಿಲ್‌ನ 78 ವರ್ಷದ ವ್ಯಕ್ತಿ ತನ್ನ ಕಾಲೇಜು ಪದವಿ ಪಡೆದ ನಂತರ ತನ್ನ 98 ವರ್ಷದ ತಾಯಿಯನ್ನು ಭೇಟಿಯಾಗುವುದನ್ನು ವೀಡಿಯೊ ತೋರಿಸುತ್ತದೆ ಮತ್ತು ಇಬ್ಬರೂ ಅಪ್ಪಿಕೊಳ್ಳುವುದರೊಂದಿಗೆ ಸಂಭ್ರಮವನ್ನು ಆಚರಿಸುತ್ತಿದ್ದಾರೆ. ಇದು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ.
ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್ ಮಾಡಲಾದ ಪ್ರೀತಿಯ ವೀಡಿಯೊದಲ್ಲಿ, ವ್ಯಕ್ತಿಯು ತನ್ನ ಪದವಿಯನ್ನು ಪಡೆದ ನಂತರ ಕಪ್ಪು ಕ್ಯಾಪ್ ಮತ್ತು ಗೌನ್ ಧರಿಸಿ ತನ್ನ ತಾಯಿಯ ಮನೆಗೆ ಹೋಗುವುದನ್ನು ನೋಡಬಹುದು. ಅವರ ಕುಟುಂಬ ಸದಸ್ಯರು ಜೊತೆಗಿದ್ದರು.
ಅವನು ಮನೆಗೆ ಹೋಗಿ ತಾಯಿಯನ್ನು ಕರೆಯುತ್ತಾನೆ. ಸಮಾರಂಭದಲ್ಲಿ ಭಾಗವಹಿಸಲು ಸಾಧ್ಯವಾಗದ ತಾಯಿಯನ್ನು ಪದವಿ ಡ್ರೆಸ್ನಲ್ಲಿ ತೋರಿಸಿ ಅಪ್ಪಿಕೊಳ್ಳುವ ವಿಡಿಯೋ ಇದಾಗಿದ್ದು, ನೆಟ್ಟಿಗರ ಹೃದಯ ಗೆದ್ದಿದೆ. ವಯಸ್ಸು ಎಷ್ಟೇ ಆದರೂ ಅಮ್ಮ ಯಾವತ್ತೂ ಅಮ್ಮನೇ ಎಂದು ಹಲವರು ಹೇಳಿದ್ದಾರೆ.
Loading ...