ಸ್ವಿಜರ್ಲೆಂಡ್: ಸ್ವಿಜರ್ಲೆಂಡ್ನ ಅತ್ಯಂತ ಅದ್ಭುತವಾದ ಆಲ್ಪ್ಸ್ ಕಣಿವೆ ಮೂಲಕ ಹಾದುಹೋಗುವ ರೈಲ್ವೆಯು ವಿಶ್ವದ ಅತಿ ಉದ್ದದ ಪ್ರಯಾಣಿಕ ರೈಲಿನ ದಾಖಲೆಯನ್ನು ಹೊಂದಿರುವುದಾಗಿ ಸ್ವಿಜರ್ರ್ಲೆಂಡ್ ಹೇಳಿಕೊಂಡಿದೆ. ರೈಟಿಯನ್ ರೈಲ್ವೇ ಕಂಪೆನಿಯು ತಾನು ಈ ದಾಖಲೆ ಮಾಡಿರುವುದಾಗಿ ಹೇಳಿಕೊಂಡಿದ್ದು, ಅದೀಗ ವೈರಲ್ ಆಗಿದೆ.
ಪನಿ ಹೆಸರಿನ ಈ ರೈಲು 1.9 ಕಿಲೋಮೀಟರ್ ಉದ್ದ (1.2-ಮೈಲಿ-ಉದ್ದ) ಹೊಂದಿದ್ದು, 100 ಕೋಚ್ಗಳನ್ನು ಒಳಗೊಂಡಿದೆ. ಇದು ಸ್ವಿಸ್ನ ಅಲ್ಬುಲಾ/ಬರ್ನಿನಾ ಮಾರ್ಗದಲ್ಲಿ ಪ್ರಿಡಾದಿಂದ ಬರ್ಗುನ್ಗೆ ಓಡಿದ್ದು, ವಿಶ್ವದ ಅತಿ ಉದ್ದದ ರೈಲು ಎಂಬ ಹೆಮ್ಮೆ ಗಳಿಸಿರುವುದಾಗಿ ವರದಿಯಾಗಿದೆ. ಸ್ವಿಸ್ ರೈಲ್ವೆಯ 175 ವರ್ಷಗಳನ್ನು ಪೂರೈಸಿರುವ ಹಿನ್ನೆಲೆಯಲ್ಲಿ ದಾಖಲೆ ಮಾಡಲು ಈ ರೈಲಿನ ಸಂಚಾರ ಮಾಡಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.
ಈ ಮಾರ್ಗವನ್ನು 2008 ರಲ್ಲಿ ಯುನೆಸ್ಕೋ ವಿಶ್ವ ಪರಂಪರೆಯ ತಾಣವೆಂದು ಗೊತ್ತುಪಡಿಸಿತ್ತು. ಈ ಮಾರ್ಗದಲ್ಲಿ 22 ಸುರಂಗಗಳು ಇವೆ. ಮಾತ್ರವಲ್ಲದೇ ಕೆಲವು ಪರ್ವತಗಳು ಹಾಗೂ 48 ಸೇತುವೆಗಳು ಇದ್ದು, ರಮಣೀಯ ತಾಣವಾಗಿದೆ, ಈ ಮಾರ್ಗದಲ್ಲಿ ರೈಲು ಸಾಗಿದೆ.
ಇಡೀ ಪ್ರಯಾಣವು ಒಂದು ಗಂಟೆಗೂ ಹೆಚ್ಚು ಸಮಯ ತೆಗೆದುಕೊಂಡಿತು. ರೈಲಿನ 25 ವಿಭಾಗಗಳು ಸುಮಾರು 25 ಕಿಲೋಮೀಟರ್ (15.5 ಮೈಲುಗಳು) ಸುತ್ತುವುದನ್ನು ವೀಕ್ಷಿಸಲು ರೈಲು ಉತ್ಸಾಹಿಗಳು ಕಣಿವೆಯಲ್ಲಿ ಸಾಲುಗಟ್ಟಿ ನಿಂತಿದ್ದರು.