ಕಿಲಿಮಂಜಾರೋ ಪರ್ವತದಲ್ಲಿ ಇಂರ್ಟನೆಟ್​ ಸೇವೆ ಆರಂಭಿಸಲು ಸಿದ್ದತೆ

ಅಸಾಧ್ಯವಾದದ್ದು ಯಾವುದಿದೆ ಎಂಬಂತೆ ಪರ್ವತ ಶ್ರೇಣಿಯಲ್ಲಿ ಚಾರಣಿಗರಿಗೆ ಸೌಲಭ್ಯ ಕಲ್ಪಿಸಲು ಇಂಟರ್​ನೆಟ್​ ವ್ಯವಸ್ಥೆ ಮಾಡುವ ಪ್ರಯತ್ನ ತಾಂಜಾನಿಯಾದಲ್ಲಿ ನಡೆದಿದೆ.

ತಾಂಜಾನಿಯಾ ಕಿಲಿಮಂಜಾರೋ ಪರ್ವತದ ಇಳಿಜಾರಿನಲ್ಲಿ ಹೆಚ್ಚಿನ ವೇಗದ ಇಂಟರ್ನೆಟ್ ಸೇವೆಗಳನ್ನು ಸ್ಥಾಪಿಸಿದ್ದು, ಇದರಿಂದ ಚಾರಣ ಸಂದರ್ಭದಲ್ಲಿ ಸ್ಮಾರ್ಟ್​ಫೋನ್​ ಹೊಂದಿರುವವರು ಟ್ವೀಟ್​ ಮಾಡಲು, ಇನ್​ಸ್ಟಾಗ್ರಾಮ್​ ಅಥವಾ ವಾಟ್ಸಪ್​ ಮಾಡಲು ಅವಕಾಶವಿದೆ.

ಕಿಲಿಮಂಜಾರೋ ಪರ್ವತವು ಟಾಂಜಾನಿಯಾ ಮತ್ತು ನೆರೆಯ ಕೀನ್ಯಾದಲ್ಲಿ ಪ್ರವಾಸೋದ್ಯಮ ಆದಾಯದ ಪ್ರಮುಖ ಮೂಲವಾಗಿದೆ, ಪ್ರತಿ ವರ್ಷ ಸುಮಾರು 35,000 ಜನರು ಈ ಶಿಖರ ಏರಲು ಪ್ರಯತ್ನಿಸುತ್ತಾರೆ.

ಸರ್ಕಾರಿ ಸ್ವಾಮ್ಯದ ತಾಂಜಾನಿಯಾ ಟೆಲಿಕಮ್ಯುನಿಕೇಶನ್ಸ್​ ಕಾರ್ಪೊರೇಷನ್​ ಮಂಗಳವಾರ 3,720 ಮೀಟರ್​ (12,200 ಅಡಿ) ಎತ್ತರದಲ್ಲಿ ಬ್ರಾಡ್​ಬ್ಯಾಂಡ್​ ನೆಟ್ ​ವರ್ಕ್​ ಅನ್ನು ಸ್ಥಾಪಿಸಿತು. ಮಾಹಿತಿ ಸಚಿವ ನೇಪೆ ನ್ನೌಯೆ ಈವೆಂಟ್​ ಅನ್ನು ಐತಿಹಾಸಿಕ ಎಂದು ಕರೆದರು.

ಎಲ್ಲಾ ಅಧಿಕೃತ ಚಾರಣಿಗರಿಗೆ ಇದರ ಸಂಪರ್ಕ ಸಿಗಲಿದೆ. 5,895 ಮೀಟರ್​ (19,300 ಅಡಿ) ಪರ್ವತದ ಶಿಖರವು ವರ್ಷದ ಅಂತ್ಯದ ವೇಳೆಗೆ ಇಂಟರ್ನೆಟ್​ ಸಂಪರ್ಕವನ್ನು ಹೊಂದಿರಲಿದೆ ಎಂದು ಸಚಿವರು ಹೇಳಿದ್ದಾರೆ.

ಕಳೆದ ವರ್ಷ, ತಾಂಜೇನಿಯಾದ ಸರ್ಕಾರವು ಕಿಲಿಮಂಜಾರೋದ ದಕ್ಷಿಣ ಭಾಗದಲ್ಲಿ ಕೇಬಲ್​ ಕಾರ್​ ನಿರ್ಮಿಸುವ ಯೋಜನೆಗಳನ್ನು ಘೋಷಿಸಿತ್ತು. ಆದರೆ ಪರಿಸರವಾದಿಗಳು ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದರು.

ಮೌಂಟ್​ ಎವರೆಸ್ಟ್​ನಲ್ಲಿ ಪರ್ವತಾರೋಹಿಗಳು ವೈಫೈ, ಪವರ್​ ಜನರೇಟರ್​ ಮತ್ತು ಸ್ಮಾರ್ಟ್​ಫೋನ್​ಗಳನ್ನು ಬಳಸಲು ಸಾಧ್ಯವಾಗಿದೆ. ಹೀಗಾಗಿ ಅವಘಡ ನಡೆದ ಸಂದರ್ಭದಲ್ಲಿ ನೆರವು ಪಡೆಯಲು ಸಾಧ್ಯವಾಗಿಸುತ್ತದೆ.