ಕಸದ ರಾಶಿಯಲ್ಲಿ ಸಿಕ್ಕ ನಾಣ್ಯಗಳನ್ನು ಪೊಲೀಸರಿಗೆ ಹಸ್ತಾಂತರಿಸಿದ ಪೌರ ಕಾರ್ಮಿಕೆ….!

ಕಸ ಗುಡಿಸುವ ವೇಳೆ ಕಸದ ರಾಶಿಯ ನಡುವೆ ಸಿಕ್ಕ ಬರೋಬ್ಬರಿ 4,90,000 ರೂಪಾಯಿ ಮೌಲ್ಯದ ಚಿನ್ನದ ನಾಣ್ಯಗಳನ್ನು ಪೊಲೀಸರಿಗೆ ಹಸ್ತಾಂತರಿಸುವ ಮೂಲಕ ಪೌರ ಕಾರ್ಮಿಕೆಯೊಬ್ಬರು ಪ್ರಾಮಾಣಿಕತೆ ತೋರಿದ್ದಾರೆ. ತಮಿಳುನಾಡಿನ ತಿರುವೊಟ್ಟಿಯುರ್​​ ಬೀದಿಯಲ್ಲಿ ಕಸ ಗುಡಿಸುತ್ತಿದ್ದ ವೇಳೆ ಮೇರಿಯು ಕಸದ ರಾಶಿಯ ನಡುವೆ ಪ್ಲಾಸ್ಟಿಕ್​ ಚೀಲವನ್ನು ಎಸೆಯುತ್ತಿದ್ದಾಗ ನಾಣ್ಯದ ಶಬ್ದವನ್ನು ಕೇಳಿದ್ದಾಳೆ. ಮೊದಲು ಈಕೆ ಯಾವುದೋ ನಾಣ್ಯ ಇಲ್ಲವೇ ಲೋಹದ ವಸ್ತು ಇರಬಹುದು ಎಂದು ಭಾವಿಸಿದ್ದಳು. ಆದರೆ ಈ ಪ್ಲಾಸ್ಟಿಕ್​ ಚೀಲವನ್ನು ತೆಗೆದು ನೋಡಿದ ವೇಳೆ ಮೇರಿಗೆ ಆಶ್ಚರ್ಯ ಕಾದಿತ್ತು. ಚಿನ್ನದ ನಾಣ್ಯಗಳನ್ನು ನೋಡಿದ ತಕ್ಷಣವೇ ಮೇರಿ ಪೊಲೀಸರಿಗೆ ಈ ಬಗ್ಗೆ ಮಾಹಿತಿ ನೀಡಿದ್ದಾಳೆ.

ಕೊರೊನಾ ಲಸಿಕೆ ಪಡೆಯಲಿರುವ ಮಕ್ಕಳಿಗೆಂದೇ ನಿರ್ಮಾಣವಾಗಿದೆ ಈ ‘ವಿಶಿಷ್ಟ’ ಲಸಿಕಾ ಕೇಂದ್ರ..!

ಚಿನ್ನದ ನಾಣ್ಯಗಳು ಸಿಕ್ಕ ತಕ್ಷಣವೇ ಪೊಲೀಸರು ಕಳೆದ ಕೆಲ ದಿನಗಳ ಹಿಂದೆ ಯಾರಾದರೂ ಚಿನ್ನ ಕಳುವಾಗಿರುವ ಬಗ್ಗೆ ದೂರು ದಾಖಲಿಸಿದ್ದಾರಾ ಎಂದು ಪರಿಶೀಲನೆ ನಡೆಸಿದ್ದಾರೆ. ಈ ವೇಳೆ ಅಣ್ಣಾಮಲೈ ನಗರದ ಉದ್ಯಮಿ ರಮಣ್​​ ಅವರ ದೂರು ಪೊಲೀಸರ ಗಮನಕ್ಕೆ ಬಂದಿದೆ. ರಮಣ್​ ಮಾರ್ಚ್​ ತಿಂಗಳಲ್ಲಿ ಈ ನಾಣ್ಯಗಳನ್ನು ಖರೀದಿಸಿದ್ದರು. ಕಳ್ಳರಿಂದ ಈ ನಾಣ್ಯ ಸುರಕ್ಷಿತವಾಗಿರಲಿ ಎಂಬ ಕಾರಣಕ್ಕೆ ಪ್ಲಾಸ್ಟಿಕ್​ ಚೀಲದಲ್ಲಿ ತುಂಬಿ ಮಂಚದ ಕೆಳಗೆ ಇರಿಸಿದ್ದರು. ಆದರೆ ಆಯುಧ ಪೂಜೆಗೂ ಮುನ್ನ ಮನೆ ಸ್ವಚ್ಛ ಮಾಡುವ ಭರದಲ್ಲಿ ಈ ಚೀಲವು ಕಸದ ಬುಟ್ಟಿ ಸೇರಿತ್ತು.

ಪೊಲೀಸರಿಗೆ ದೂರು, ಹಾಗೂ ಅನೇಕ ಕಡೆಗಳಲ್ಲಿ ಹುಡುಕಿದ ಬಳಿಕವೂ ರಮಣ್​​ ಹಾಗೂ ಕುಟುಂಬಕ್ಕೆ ಚಿನ್ನದ ನಾಣ್ಯಗಳು ಸಿಕ್ಕೇ ಇರಲಿಲ್ಲ. ಆದರೆ ಮೇರಿಯ ಪ್ರಾಮಾಣಿಕತೆಯಿಂದ ಇಂದು ಆ ಎಲ್ಲ ನಾಣ್ಯಗಳು ಪುನಃ ರಮಣ್​ ಕೈ ಸೇರಿದಂತಾಗಿದೆ.