ಸಸ್ಯಾಹಾರಿ ಖಾದ್ಯದಲ್ಲಿ ಚಿಕನ್ ಕಂಡು ಗಾಬರಿಬಿದ್ದ ಗೀತ ರಚನೆಕಾರ

ತನ್ನ ಸಸ್ಯಾಹಾರಿ ಖಾದ್ಯದಲ್ಲಿ ಚಿಕನ್​ ಕಂಡ ತಮಿಳು ಗೀತರಚನೆಕಾರ ಗಾಬರಿ ಬಿದ್ದಿರುವ ಪ್ರಸಂಗ ನಡೆದಿದೆ. ತಮಿಳು ಗೀತರಚನೆಕಾರ ಕೋ ಶೇಷಾ ಅವರು ದಿ ಬೌಲ್​ ಕಂಪನಿಯಿಂದ ಆರ್ಡರ್​ ಮಾಡಿದ ಸಸ್ಯಾಹಾರಿ ಖಾದ್ಯದಲ್ಲಿ ಚಿಕನ್​ ತುಂಡುಗಳನ್ನು ಪತ್ತೆಯಾಗಿದೆ. ನಂತರ ಆಹಾರ ವಿತರಣಾ ಅಪ್ಲಿಕೇಶನ್​ ಸ್ವಿಗ್ಗಿ ‘ಧಾರ್ಮಿಕ ಭಾವನೆಗಳಿಗೆ ಧಕ್ಕೆ’ ಮಾಡಿದೆ ಎಂದು ಟೀಕಿಸಿದ್ದಾರೆ.

ತಮ್ಮ ಜೀವನದುದ್ದಕ್ಕೂ ಕಟ್ಟುನಿಟ್ಟಾದ ಸಸ್ಯಾಹಾರಿಯಾಗಿದ್ದ ಕೋ ಶೇಷಾ ಅವರು ಸರಣಿ ಟ್ವೀಟ್​ಗಳಲ್ಲಿ ತಮ್ಮ ಅನುಭವವನ್ನು ಹಂಚಿಕೊಂಡಿದ್ದಾರೆ. ಆಹಾರವನ್ನು ಆರ್ಡರ್​ ಮಾಡಿದ ಕ್ಲೌಡ್​ ಕಿಚನ್​ ಪ್ರತ್ಯೇಕವಾಗಿ ಸ್ವಿಗ್ಗಿ ಒಡೆತನದಲ್ಲಿದೆ.

ಶೇಷಾ ಅವರು ಸಸ್ಯಾಹಾರಿ ಪದಾರ್ಥಗಳನ್ನು ಆರ್ಡರ್​ ಮಾಡಿದ್ದರು, ಗೋಬಿ ಮಂಚೂರಿ ಜೊತೆಗೆ ಕಾರ್ನ್​ ಫ್ರೈಡ್​ ರೈಸ್​ ಒಳಗೊಂಡಿತ್ತು. ಆದರೆ, ಅವರು ತಮಗೆ ಸರ್ವ್​ ಆದ ಆಹಾರ ಸೇವಿಸಲು ಮುಂದಾದಾಗ, ಚಿಕನ್​ ತುಂಡುಗಳನ್ನು ಕಂಡುಕೊಂಡರು. ತಕ್ಷಣವೇ ಇದು ಅವರನ್ನು ಕೆರಳಿಸಿತಲ್ಲದೆ, ಟ್ವೀಟ್​ನೊಂದಿಗೆ ತಾವು ತರಿಸಿಕೊಂಡ ತಿನಿಸಿನ ಫೋಟೋ ಪುರಾವೆಯನ್ನು ಲಗತ್ತಿಸಿದ್ದಾರೆ. ಹಾಗೆಯೇ ಈ ‘ಘೋರ ಪ್ರಮಾದ’ಕ್ಕಾಗಿ ಸ್ವಿಗ್ಗಿ ಅವರಿಗೆ ಕೇವಲ 70 ರೂಪಾಯಿಗಳ ಪರಿಹಾರವನ್ನು ನೀಡಿದೆ ಎಂದು ಅವರು ಹೇಳಿದ್ದಾರೆ.

ನಂತರದ ಟ್ವೀಟ್​ನಲ್ಲಿ, “ನಾನು ನನ್ನ ಜೀವನದುದ್ದಕ್ಕೂ ಕಟ್ಟುನಿಟ್ಟಾದ ಸಸ್ಯಾಹಾರಿಯಾಗಿದ್ದೇನೆ, ಸ್ವಿಗ್ಗಿಯ ಪ್ರಮುಖ ಪ್ರತಿನಿಧಿಯೊಬ್ಬರು ವೈಯಕ್ತಿಕವಾಗಿ ಕರೆ ಮಾಡಿ ಕ್ಷಮೆಯಾಚಿಸಬೇಕು ಎಂದು ನಾನು ಒತ್ತಾಯಿಸುತ್ತೇನೆ. ಕಾನೂನು ಪರಿಹಾರಕ್ಕಾಗಿ ನನ್ನ ಹಕ್ಕುಗಳನ್ನು ಸಹ ಕಾಯ್ದಿರಿಸಿದ್ದೇನೆ” ಎಂದು ಅವರು ಹೇಳಿಕೊಂಡಿದ್ದಾರೆ.