ಪಂಜಾಬ್ ಚುನಾವಣೆಯಲ್ಲಿ ಐತಿಹಾಸಿಕ ವಿಜಯದ ನಂತರ ಜೋಫ್ರಾ ಆರ್ಚರ್ ಅವರ ಟ್ವೀಟ್ ಅನ್ನು ಆಮ್ ಆದ್ಮಿ ಪಕ್ಷವು ಮರುಟ್ವೀಟ್ ಮಾಡಿದೆ.
ಇಂಗ್ಲಿಷ್ ವೇಗದ ಬೌಲರ್ ಜೋಫ್ರಾ ಟ್ವೀಟ್ ಗಳು ಯಾವಾಗಲೂ ಸೆಳೆಯುವಂತಿರುತ್ತವೆ. ಇಂಗ್ಲೆಂಡ್ ವೇಗದ ಬೌಲರ್ ಜೋಫ್ರಾ ಆರ್ಚರ್ ಈಗ ಸುಮಾರು ಎಂಟು ತಿಂಗಳುಗಳಿಂದ ಹೊರಗುಳಿದಿರಬಹುದು. ಆದರೆ, ಕ್ರಿಕೆಟ್ ನಲ್ಲಿ ಅವರ ಅನುಪಸ್ಥಿತಿ ಇದ್ದರೂ, ಸಾಮಾಜಿಕ ಮಾಧ್ಯಮ ಪ್ಲಾಟ್‌ ಫಾರ್ಮ್ ಟ್ವಿಟರ್‌ನಲ್ಲಿ ಅವರ ಪೋಸ್ಟ್‌ ಗಳ ಜನಪ್ರಿಯತೆಗೆ ಈ ಕೊರತೆ ಕಂಡು ಬಂದಿಲ್ಲ.
ಸಂಕ್ಷಿಪ್ತ ಆದರೆ ಭವಿಷ್ಯಸೂಚಕ ಟ್ವೀಟ್ ಗಳನ್ನು ಅಪ್‌ ಲೋಡ್ ಮಾಡುವ ಖ್ಯಾತಿ ಗಳಿಸಿರುವ ಆರ್ಚರ್, ಕ್ರಿಕೆಟ್ ಯೇತರ ಕಾರಣಕ್ಕಾಗಿಯಾದರೂ ಅವರ ಟ್ವೀಟ್ ಗಮನ ಸೆಳೆಯುವಂತಾಗಿದೆ.
ಪಂಜಾಬ್ ಚುನಾವಣೆ 2022 ರಲ್ಲಿ ಐತಿಹಾಸಿಕ ವಿಜಯದ ನಂತರ ಜೋಫ್ರಾ ಆರ್ಚರ್ ಅವರ ಟ್ವೀಟ್ ಅನ್ನು ಆಮ್ ಆದ್ಮಿ ಪಕ್ಷ ಮರುಟ್ವೀಟ್ ಮಾಡಿದೆ
ಫೆಬ್ರವರಿ 20 ರಂದು ಆರ್ಚರ್ ‘ಸ್ವೀಪ್’ ಎಂದು ಬರೆದಿರುವ ಒಂದು ಪದದ ಟ್ವೀಟ್ ಅಪ್‌ಲೋಡ್ ಮಾಡಿದ್ದರು. ಪಂಜಾಬ್ ವಿಧಾನಸಭಾ ಚುನಾವಣೆಯಲ್ಲಿ ಐತಿಹಾಸಿಕ ವಿಜಯ ದಾಖಲಿಸಿರುವ ಆಮ್ ಆದ್ಮಿ ಪಕ್ಷ ‘ಕ್ಲೀನ್ ಸ್ವೀಪ್’ ಉಲ್ಲೇಖಿಸಿ ಆರ್ಚರ್ ಅವರ ಟ್ವೀಟ್ ಅನ್ನು ಮರುಟ್ವೀಟ್ ಮಾಡಲು ಇದು ಸೂಕ್ತ ಸಂದರ್ಭವೆಂದು ಪರಿಗಣಿಸಿದೆ.
117 ಸ್ಥಾನಗಳಲ್ಲಿ ಸ್ಪರ್ಧಿಸಿರುವ ಎಎಪಿಗೆ ಅಧಿಕಾರಕ್ಕೇರಲು 59 ಸ್ಥಾನಗಳ ಬಹುಮತದ ಅಗತ್ಯವಿದೆ. ಆದರೆ, 90ಕ್ಕಿಂತ ಅಧಿಕ ಸ್ಥಾನ ಗಳಿಸಿದೆ. ಎಎಪಿಯ ಮುಖ್ಯಮಂತ್ರಿ ಅಭ್ಯರ್ಥಿ ನಟ-ರಾಜಕಾರಣಿ ಭಗವಂತ್ ಮಾನ್ ಅವರು ಪಂಜಾಬ್ ನ 18 ನೇ ಮುಖ್ಯಮಂತ್ರಿಯಾಗಲಿದ್ದಾರೆ.
ಅಂದ ಹಾಗೆ, ಮುಂದಿನ ದಿನಗಳಲ್ಲಿ ಆರ್ಚರ್ ಸ್ಪರ್ಧಾತ್ಮಕ ಕ್ರಿಕೆಟ್ ನಿಂದ ತಪ್ಪಿಸಿಕೊಳ್ಳಬಹುದು. ಕಳೆದ ವರ್ಷ ಬೆಂಗಳೂರಿನಲ್ಲಿ ನಡೆದ ಇಂಡಿಯನ್ ಪ್ರೀಮಿಯರ್ ಲೀಗ್ 2022 ರ ಮೆಗಾ ಹರಾಜಿನಲ್ಲಿ ಮುಂಬೈ ಇಂಡಿಯನ್ಸ್ 8 ಕೋಟಿ ರೂಪಾಯಿಗೆ ಖರೀದಿಸಿದ್ದರೂ, ಆರ್ಚರ್ ಈ ತಿಂಗಳ ಅಂತ್ಯದಿಂದ ಪ್ರಾರಂಭವಾಗುವ ಅತಿದೊಡ್ಡ T20 ಲೀಗ್‌ನ 15 ನೇ ಋತುವಿನಲ್ಲಿ ಭಾಗವಹಿಸುವುದಿಲ್ಲ. ಅಂತರಾಷ್ಟ್ರೀಯ ಕ್ರಿಕೆಟ್‌ಗೆ ಸಂಬಂಧಿಸಿದಂತೆ, ಆರ್ಚರ್ ಕೊನೆಯ ಬಾರಿಗೆ ಒಂದು ವರ್ಷದ ಹಿಂದೆ ಭಾರತ ಪ್ರವಾಸದ ಸಮಯದಲ್ಲಿ ಇಂಗ್ಲೆಂಡ್ ಅನ್ನು ಎಲ್ಲಾ ಸ್ವರೂಪಗಳಲ್ಲಿ ಪ್ರತಿನಿಧಿಸಿದ್ದರು.
Loading ...