ಮರಳಿನಲ್ಲಿ ಮೂಡಿಬಂದ 27 ಅಡಿಯ ಅದ್ಭುತ ಸಾಂತಾ ಕ್ಲಾಸ್‌: 1500 ಕೆ.ಜಿ. ಟೊಮೆಟೊ ಬಳಕೆ

ಪ್ರಸಿದ್ಧ ಮರಳು ಕಲಾವಿದ ಸುದರ್ಶನ್ ಪಟ್ನಾಯಕ್ ಅವರು ದೇಶದ ಪ್ರತಿಯೊಂದು ಪ್ರಮುಖ ಸಂದರ್ಭದಲ್ಲೂ ಮರಳಿನ ಕೃತಿಗಳನ್ನು ರಚಿಸುವ ಮೂಲಕ ಅಸಾಮಾನ್ಯ ಎನ್ನುವ ಕಲೆಯನ್ನು ಪ್ರದರ್ಶಿಸುತ್ತಾ ಬಂದಿದ್ದಾರೆ. ಈ ಬಾರಿ ಅವರು ಕ್ರಿಸ್‌ಮಸ್‌ ಸಂದರ್ಭದಲ್ಲಿ 27 ಅಡಿಯ ಸಾಂತಾ ಕ್ಲಾಸ್ ರಚಿಸಿ ಅಚ್ಚರಿ ಮೂಡಿಸಿದ್ದಾರೆ.

ಆಶ್ಚರ್ಯವೆಂದರೆ ಮರಳಿನ ಮೇಲೆ ಸಾಂತಾಕ್ಲಾಸ್ ನಿರ್ಮಿಸಲು ಶಿಲ್ಪಿ 1500 ಕೆಜಿ ಟೊಮೆಟೊಗಳನ್ನು ಬಳಸಿದ್ದಾರೆ.

ಪದ್ಮಭೂಷಣ ಪ್ರಶಸ್ತಿ ಪುರಸ್ಕೃತರೂ ಆಗಿರುವ ಸುದರ್ಶನ್‌ ಅವರ ಸಾಂತಾ ಕ್ಲಾಸ್‌ ವಿಡಿಯೋ ವೈರಲ್‌ ಆಗಿದೆ. ಸುಮಾರು 1.5 ಟನ್ ತೂಕ ಮತ್ತು 60 ಅಡಿ ಅಗಲವಿರುವ ಸಾಂತಾ ಕ್ಲಾಸ್‌ನ ವಿಶ್ವದ ಅತಿದೊಡ್ಡ ಟೊಮೆಟೊ ಮತ್ತು ಮರಳು ಶಿಲ್ಪ ಸ್ಥಾಪನೆಯಾಗಿದೆ ಎಂದು ಅವರು ಹೇಳಿದ್ದಾರೆ.

ಗಂಜಾಂ ಜಿಲ್ಲೆಯ ಕಡಲತೀರದಲ್ಲಿ ಸುಂದರವಾದ ಶಿಲ್ಪವನ್ನು ರೂಪಿಸಲು ಅವರಿಗೆ ಸಹಾಯ ಮಾಡಲು ಅವರ ವಿದ್ಯಾರ್ಥಿಗಳು ಜೊತೆಗಿದ್ದರು. ಅವರು ಸಾಂಟಾ ಜೊತೆಗೆ ದೊಡ್ಡ ಟೊಮೆಟೊಗಳನ್ನು ಬಳಸುವುದರೊಂದಿಗೆ “ಮೆರ್ರಿ ಕ್ರಿಸ್ಮಸ್” ಎಂದು ಬರೆದಿದ್ದಾರೆ.