ಕ್ರಿಮಿನಾಶಕ ಸಿಂಪಡಿಸಿದ ಕೈಯಲ್ಲೇ ಊಟ ಮಾಡಿದ ವಿದ್ಯಾರ್ಥಿ ಸಾವು

ಕಲಬುರ್ಗಿ ಜಿಲ್ಲೆ ಸೇಡಂ ತಾಲೂಕಿನ ಖಂಡೇರಾಯನಪಲ್ಲಿ ಗ್ರಾಮದಲ್ಲಿ ಕ್ರಿಮಿನಾಶಕ ಸಿಂಪಡಿಸಿದ ನಂತರ ಕೈತೊಳೆಯದೇ ಹಾಗೆಯೇ ಊಟ ಮಾಡಿದ ವಿದ್ಯಾರ್ಥಿ ಮೃತಪಟ್ಟಿದ್ದಾನೆ.

ಗುರವಾರ ತಡರಾತ್ರಿ ಘಟನೆ ನಡೆದಿದೆ. ಹತ್ತನೇ ತರಗತಿ ಓದುತ್ತಿದ್ದ ಅರುಣ ಮೃತಪಟ್ಟ ವಿದ್ಯಾರ್ಥಿ ಎಂದು ಹೇಳಲಾಗಿದೆ. ಹೊಟ್ಟೆ ನೋವಿಗಾಗಿ ಚಿಕಿತ್ಸೆ ಪಡೆಯುತ್ತಿದ್ದ ಅರುಣ ಗುರುವಾರ ಹೊಲದಲ್ಲಿ ಕಡಲೆಗೆ ಕ್ರಿಮಿನಾಶಕ ಸಿಂಪಡಿಸಿ ಕೈ ತೊಳೆದಿರಲಿಲ್ಲ. ಹಾಗೆಯೇ ಮನೆಗೆ ಬಂದು ಊಟ ಮಾಡಿದ್ದು, ಕ್ರಿಮಿನಾಶಕದ ಅಂಶ ಊಟದಲ್ಲಿ ಸೇರಿ ಮೃತಪಟ್ಟಿದ್ದಾನೆ ಎನ್ನಲಾಗಿದೆ. ಮುಧೋಳ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಪ್ರಕರಣ ನಡೆದಿದೆ.