ಬೆಕ್ಕುಗಳನ್ನ ಬುದ್ಧಿವಂತ ಪ್ರಾಣಿಗಳು ಎಂದು ಕರೆದರೆ ತಪ್ಪಾಗಲಿಕ್ಕಿಲ್ಲ. ತಮಗೆ ಬೇಕಾಗಿದ್ದನ್ನ ಹೇಗೆ ಪಡೆದುಕೊಳ್ಳಬೇಕು ಅನ್ನೋದು ಬೆಕ್ಕುಗಳಿಗೆ ಚೆನ್ನಾಗಿಯೇ ತಿಳಿದಿರುತ್ತೆ. ಇದೇ ಮಾತಿಗೆ ಉದಾಹರಣೆ ಎಂಬಂತೆ ದಕ್ಷಿಣ ಕೊರಿಯಾದಲ್ಲಿ ಬೆಕ್ಕೊಂದು ಅಪರಿಚಿತನ ಮನೆಯಲ್ಲಿ ಡೋರ್ ಪಾಸ್ವರ್ಡ್ ಟೈಪ್ ಮಾಡುವ ಮೂಲಕ ಮನೆಗೆ ಎಂಟ್ರಿ ಕೊಟ್ಟಿದೆ.
ಈ ಡೋರ್ ಕೋಡ್ಗಳನ್ನ ಬಳಕೆ ಮಾಡಿ ಬೆಕ್ಕು ದಿನಕ್ಕೆ 20 ಬಾರಿ ಮನೆಗೆ ಎಂಟ್ರಿ ಕೊಟ್ಟಿದೆ ಎಂದು ಮನೆ ಮಾಲೀಕರು ಹೇಳಿದ್ದಾರೆ. ಅಲ್ಲದೇ ಇದು ಮನೆಯಲ್ಲಿ ಸಾಕಲಾಗಿದ್ದ ಶ್ವಾನವನ್ನೂ ಪೀಡಿಸುತ್ತಿತ್ತಂತೆ. ಮನೆ ಮಾಲೀಕೆ ಈ ಬೆಕ್ಕನ್ನು ಮನೆಯಿಂದ ಎಷ್ಟು ಬಾರಿ ಓಡಿಸಿದ್ರೂ ಮತ್ತೆ ಮತ್ತೆ ವಾಪಸ್ಸಾಗುತ್ತಿತ್ತಂತೆ.
ತನ್ನ ಕಾಲಿನಲ್ಲಿರೋ ಉಗುರುಗಳಿಂದ ಈ ಬೆಕ್ಕು ಮನೆ ಲಾಕ್ ಮಾಡುವ ಸಾಧನದ ಮೇಲಿದ್ದ ಶೀಟನ್ನು ಹಾಳು ಮಾಡಿದೆ. ಈ ಬಿಲ್ಡಿಂಗ್ನಿಂದ ಹೊರಗೆ ಹೋಗೋದು ಹೇಗೆ ಅಂತಲೂ ಈ ಬೆಕ್ಕು ತಿಳಿದುಕೊಂಡಿದೆಯಂತೆ..!
ಮನೆ ಮಾಲೀಕನ ಪತ್ನಿಗೂ ಈ ಬೆಕ್ಕು ಇಷ್ಟ ಎನಿಸಿದ್ರೂ ಸಹ ಅದು ಶ್ವಾನಕ್ಕೆ ಕಾಟ ಕೊಡುತ್ತೆ ಎಂಬ ಕಾರಣಕ್ಕೆ ದೂರ ಇಟ್ಟಿದ್ದರು ಎನ್ನಲಾಗಿದೆ. ಕೊನೆಗೂ ದಂಪತಿ ಈ ಬೆಕ್ಕನ್ನ ಸಾಕಲು ನಿರ್ಧರಿಸಿದ್ದು ಅದಕ್ಕೊಂದು ಹೆಸರನ್ನೂ ಇಟ್ಟಿದ್ದಾರೆ. ಶ್ವಾನಕ್ಕೆ ಯಾವುದೇ ಹಿಂಸೆಯಾಗದಂತೆ ನೋಡಿಕೊಂಡು ಬೆಕ್ಕನ್ನ ಸಾಕಲಾಗುತ್ತಿದೆ. ಈ ಬೆಕ್ಕಿನ ಚಾಣಾಕ್ಷತನವನ್ನ ನೋಡಿದ ನೆಟ್ಟಿಗರೂ ಸಹ ಶಾಕ್ ಆಗಿದ್ದಾರೆ.
Loading ...