ಭೂಮಿಯ ಮೇಲೆ ಮತ್ತು ಸಾಗರದ ಆಳದಲ್ಲಿ ಅವೆಷ್ಟೋ ಕುತೂಹಲ, ವಿಚಿತ್ರ ಜೀವಿಗಳು ಇವೆ. ಅವುಗಳಲ್ಲಿ ಒಂದು ಸ್ಟಾರ್ಫಿಷ್. ನಕ್ಷತ್ರದಂತೆ ಇರುವ ಈ ಮೀನಿಗೆ ಸ್ಟಾರ್ಫಿಷ್ ಎಂದು ಕರೆಯಲಾಗುತ್ತದೆ. ಈ ನಕ್ಷತ್ರಮೀನಿನ ಜೀವನ ಕ್ರಮವೇ ವಿಚಿತ್ರವಾದದ್ದು.
ಇವುಗಳು ಹೇಗೆ ಚಲಿಸುತ್ತವೆ ಎಂಬ ಬಗ್ಗೆ ಬಹಳ ಹಿಂದಿನಿಂದಲೂ ಸಂಶೋಧಕರು ತಲೆ ಕೆಡಿಸಿಕೊಂಡಿದ್ದರು. ಇದೀಗ ಅತ್ಯಾಧುನಿಕ ತಂತ್ರಜ್ಞಾನದ ಸಹಾಯದಿಂದ ಅದನ್ನು ತಿಳಿಯುವುದು ಸಹಕಾರಿಯಾಗಿದೆ. ನಕ್ಷತ್ರ ಮೀನು ಚಲಿಸುವ ಅಪರೂಪದ ಹಳೆಯ ವಿಡಿಯೋ ಒಂದು ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ಸ್ಟಾರ್ಫಿಷ್ಗಳಿಗೆ ಉಸಿರಾಡಲು ಸಾಮಾನ್ಯ ಮೀನಿನಂತೆ ಕಿವಿರುಗಳ ಅಗತ್ಯವಿಲ್ಲ. ಅವುಗಳು ವಿಶೇಷ ರಂಧ್ರಗಳನ್ನು ಹೊಂದಿವೆ. ಇತರ ಅನೇಕ ಪ್ರಾಣಿಗಳಿಗಿಂತ ಭಿನ್ನವಾಗಿ, ಅವು ಸಾಕಷ್ಟು ದೀರ್ಘಕಾಲ ಬದುಕುತ್ತವೆ. ಪರಿಸ್ಥಿತಿಗಳು ಅನುಕೂಲಕರವಾಗಿದ್ದರೆ 35 ವರ್ಷಗಳವರೆಗೆ ಜೀವಿಸುತ್ತವೆ.
ಸಾಮಾನ್ಯವಾಗಿ ಸ್ಟಾರ್ಫಿಷ್ಗಳು 5 ಕೆಜಿ ವರೆಗೆ ತೂಕವಿರುವ ಪ್ರಾಣಿಗಳು. ಇವುಗಳ ಚರ್ಮವು ಮುಳ್ಳು ಮತ್ತು ಕ್ಯಾಲ್ಸಿಯಂ ಕಾರ್ಬೊನೇಟ್ ಸಂಯೋಜನೆಯ ಲೇಪನದಿಂದ ಕೂಡಿದೆ. ಇದರ ಮೂಲಕವೂ ಅವುಗಳು ಚಲನೆ ಮಾಡಲು ಸಾಧ್ಯವಾಗಿವೆ.