ಹಿಂದಿನ ಎರಡು ತಿಂಗಳ ಜಿಎಸ್‌ಟಿಆರ್‌-3ಬಿ ರಿಟರ್ನ್ಸ್ ಸಲ್ಲಿಸದ ಉದ್ಯಮಗಳು ಸೆಪ್ಟೆಂಬರ್‌ 1ರಿಂದ ಜಿಎಸ್‌ಟಿಆರ್‌-1ರ ಹೊರಮುಖ ಪೂರೈಕೆಗಳ ವಿವರಗಳನ್ನು ಸಲ್ಲಿಸಲಾಗದು ಎಂದು ಜಿಎಸ್‌ಟಿ ಜಾಲ ತಿಳಿಸಿದೆ.
ನಿರ್ದಿಷ್ಟ ತಿಂಗಳ ಜಿಎಸ್‌ಟಿಆರ್‌-1ಅನ್ನು ಅದರ ಮುಂದಿನ ತಿಂಗಳ 11ನೇ ದಿನದಂದು ಉದ್ಯಮಗಳು ಪಾವತಿ ಮಾಡುತ್ತವೆ. ಜಿಎಸ್‌ಟಿಆರ್‌-3ಬಿಯನ್ನು ಅದೇ ತಿಂಗಳ 20-24ನೇ ದಿನಗಳ ನಡುವೆ ಹಂತಹಂತವಾಗಿ ಸಲ್ಲಿಸಲಾಗುತ್ತದೆ.
ಕೇಂದ್ರ ಜಿಎಸ್‌ಟಿ ಕಾನೂನಿನ 59(6)ನೇ ವಿಧಿಯಡಿ ಜಿಎಸ್‌ಟಿಆರ್‌-1ರ ಫೈಲಿಂಗ್ ಮೇಲೆ ನಿರ್ಬಂಧ ಹೇರುವ ಸಾಧ್ಯತೆ ಕೊಟ್ಟಿದ್ದು, ಸೆಪ್ಟೆಂಬರ್‌ 1ರಿಂದ ಅನ್ವಯವಾಗಲಿದೆ ಎಂದು ಸರಕು ಮತ್ತು ಸೇವಾ ತೆರಿಗೆಯ ತಂತ್ರಜ್ಞಾನ ಬೆನ್ನೆಲುಬಾದ ಜಿಎಸ್‌ಟಿ ಜಾಲವು ತೆರಿಗೆದಾರರಿಗೆ ತಿಳಿಸಿದೆ.
ಇಡ್ಲಿ-ದೋಸೆ, ಅಂಬಲಿ ಮಿಕ್ಸ್‌ ಪುಡಿಗಳ ಮೇಲೆ ಶೇ.18 GST
ನಿಯಮಗಳ ಪ್ರಕಾರ: ನೋಂದಾಯಿತ ವ್ಯಕ್ತಿಯು ಹಿಂದಿನ ಎರಡು ತಿಂಗಳ ಜಿಎಸ್‌ಟಿಆರ್‌-3ಬಿ ವಿವರಗಳನ್ನು ಒದಗಿಸದೇ ಇದ್ದಲ್ಲಿ ಸರಕು ಅಥವಾ ಸೇವೆಗಳ ಹೊರಮುಖ ಪೂರೈಕೆ ವಿವರಗಳು ಹಾಗೂ ಜಿಎಸ್‌ಟಿಆರ್‌-1 ಫಾರಂ ಫೈಲಿಂಗ್ ಮಾಡಲು ಅವಕಾಶ ಇರುವುದಿಲ್ಲ.
Loading ...