ಭಾವುಕರಾಗಿ ಅರ್ಧಕ್ಕೆ ಭಾಷಣ ಮೊಟಕುಗೊಳಿಸಿದ ಸಚಿವ ಶ್ರೀರಾಮುಲು

ಬಳ್ಳಾರಿ: ಭಾಷಣದ ಸಂದರ್ಭದಲ್ಲಿ ಭಾವುಕರಾದ ಸಾರಿಗೆ ಸಚಿವ ಬಿ. ಶ್ರೀರಾಮುಲು ಅವರು ಅರ್ಧಕ್ಕೆ ಭಾಷಣ ಮೊಟಕುಗೊಳಿಸಿದ್ದಾರೆ.

ಬಳ್ಳಾರಿ ನಗರದ ಶ್ರೀಕೃಷ್ಣ ದೇವರಾಯ ವಿವಿಯಲ್ಲಿ ವಿದ್ಯಾರ್ಥಿಗಳಿಗೆ ಲ್ಯಾಪ್ ಟಾಪ್ ವಿತರಣೆ ಕಾರ್ಯಕ್ರಮದಲ್ಲಿ ಘಟನೆ ನಡೆದಿದೆ.  ನಾನು ತುಂಬಾ ಬಡತನ ನೋಡಿದವನು. ಕಷ್ಟಪಟ್ಟು ಬೆಳೆದವನು. ವಿದ್ಯಾರ್ಥಿಗಳು ಚೆನ್ನಾಗಿ ಓದಿ ಮುಂದೆ ಬರಬೇಕು ಎಂದು ಹೇಳಿದ್ದಾರೆ.

ಭಗವಂತ ನಮ್ಮ ಕಷ್ಟ ಕಾಲದಲ್ಲಿ ಓದಲು ಸಹಾಯ ಮಾಡಲಿಲ್ಲ. ದೊಡ್ಡ ಶಿಕ್ಷಣ ಪಡೆದವನು ನಾನಲ್ಲ ಎಂದು ಭಾವುಕರಾಗಿದ್ದಾರೆ. ಒಂದೊಂದು ಸಾರಿ ನನಗೆ ತುಂಬಾ ಮುಜುಗರ ಆಗುತ್ತದೆ. ನಮ್ಮ ಮನೆಯಲ್ಲಿ ಊಟವೂ ಇರುತ್ತಿರಲಿಲ್ಲ ಎಂದು ಬಾಲ್ಯದ ನೆನಪುಗಳನ್ನು ಹಾಕಿ ರಾಮುಲು ಭಾವುಕರಾಗಿದ್ದಾರೆ.