ನಮ್ಮನ್ನು ಮುಟ್ಟಿ ಸೀರೆ ಎಳೆದಾಡಿದ್ರು, ಕೆಳಗೆ ಬಿದ್ದೆ: ಶಾಸಕಿ ಸೌಮ್ಯ ರೆಡ್ಡಿ

ಬೆಂಗಳೂರು: ನಮ್ಮನ್ನು ಮುಟ್ಟಿ ಎಳೆದಾಡಿದರು. ರಕ್ಷಣೆಗೆ ತಡೆದೆ ಎಂದು ಕಾಂಗ್ರೆಸ್ ಶಾಸಕಿ ಸೌಮ್ಯ ರೆಡ್ಡಿ ಹೇಳಿದ್ದಾರೆ.

ಕಾಂಗ್ರೆಸ್ ಪ್ರತಿಭಟನೆ ವೇಳೆ ಬೆಂಗಳೂರು ಜಯನಗರ ಕ್ಷೇತ್ರದ ಶಾಸಕಿ ಸೌಮ್ಯ ರೆಡ್ಡಿ ಅವರು ಮಹಿಳಾ ಪೊಲೀಸ್ ಮೇಲೆ ಹಲ್ಲೆ ಮಾಡಿದ್ದಾರೆನ್ನಲಾಗಿದ್ದು, ಈ ಆರೋಪ ಅಲ್ಲಗಳೆದ ಅವರು, ಪೊಲೀಸ್ ಆಯುಕ್ತರಿಗೆ ದೂರು ನೀಡಿದ್ದಾರೆ.

ಧರಣಿ ನಿರತರನ್ನು ಪೊಲೀಸರು ವಶಕ್ಕೆ ಪಡೆಯುವುದು ಸಹಜ. ಆದರೆ, ಸೀರೆ ಎಳೆದಾಡಿದ್ದರು. ಇದರಿಂದ ನಾನು ಕೆಳಗೆ ಬಿದ್ದೆ. ನನ್ನ ಸುತ್ತಮುತ್ತ ಮಹಿಳಾ ಕಾನ್ ಸ್ಟೇಬಲ್ ಗಳೇ ಇದ್ದರು ಎಂದು ತಿಳಿಸಿದ್ದಾರೆ.