ಮಗಳ ವಿಡಿಯೋ ಪೋಸ್ಟ್ ಮಾಡಿ ವಿವಾದಕ್ಕೆ ಕಾರಣವಾದ ಮೊಹಮ್ಮದ್ ಶಮಿ ಪತ್ನಿ ಹಸೀನ್

ಟೀಂ ಇಂಡಿಯಾ ಆಟಗಾರ ಮೊಹಮ್ಮದ್ ಶಮಿ ಪತ್ನಿ ಹಸೀನ್ ಜಹಾನ್ ಸದಾ ಸುದ್ದಿಯಲ್ಲಿರುತ್ತಾರೆ. ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯವಾಗಿರುವ ಹಸೀನ್, ಶಮಿ ಬಗ್ಗೆ ವಿವಾದಾತ್ಮಕ ಹೇಳಿಕೆ ನೀಡಿ ಸುದ್ದಿಗೆ ಬಂದಿದ್ದರು.

ಇನ್ಸ್ಟಾಗ್ರಾಮ್ ನಲ್ಲಿ ನಿರಂತರವಾಗಿ ಫೋಟೋಗಳು ಮತ್ತು ವಿಡಿಯೋಗಳನ್ನು ಹಂಚಿಕೊಳ್ಳುವ ಮೂಲಕ ಹಸೀನ್ ಸುದ್ದಿ ಮಾಡ್ತಿರುತ್ತಾರೆ. ಈ ಬಾರಿ ಹಸೀನ್ ಹಾಕಿರುವ ವಿಡಿಯೋ, ಸಾಮಾಜಿಕ ಜಾಲತಾಣ ಬಳಕೆದಾರರ ಕೋಪಕ್ಕೆ ಕಾರಣವಾಗಿದೆ.

ವಾಸ್ತವವಾಗಿ ಹಸೀನ್, ಮಗಳ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಈ ವಿಡಿಯೋದಲ್ಲಿ ಮಗಳು ಡಾನ್ಸ್ ಮಾಡ್ತಿದ್ದಾಳೆ. ಆದ್ರೆ ಹಸೀನ್ ಮಗಳ ಡಾನ್ಸ್, ಬಳಕೆದಾರರಿಗೆ ಇಷ್ಟವಾಗಿಲ್ಲ. ಶಮಿ ಮಗಳಿಗೆ ಇದನ್ನು ಕಲಿಸಿದ್ದು ಎಷ್ಟು ಸರಿ ಎಂದು ಪ್ರಶ್ನೆ ಮಾಡಿದ್ದಾರೆ. ನಿಮ್ಮ ಮಗಳನ್ನು ನಿಮ್ಮಂತೆ ಬೆಳೆಸಬೇಡಿ ಎಂದು ಅನೇಕರು ಕಮೆಂಟ್ ಮಾಡಿದ್ದಾರೆ.

ಶಮಿ ಹಾಗೂ ಹಸೀನ್ ಮಧ್ಯೆ ನಡೆಯುತ್ತಿರುವ ಗಲಾಟೆ ಮುಂದೆವರೆದಿದೆ. ಹಸೀನ್, ಮಗಳೊಂದಿಗೆ ಪ್ರತ್ಯೇಕವಾಗಿ ವಾಸವಾಗಿದ್ದಾರೆ. ಹಸೀನ್ ಹಾಗೂ ಶಮಿ ಇನ್ನೂ ವಿಚ್ಛೇದನ ಪಡೆದಿದಲ್ಲ. ಆಗಾಗ, ಹಸೀನ್, ಶಮಿ ಮೇಲೆ ಆರೋಪ ಮಾಡ್ತಿರುತ್ತಾರೆ.

2018 ರಲ್ಲಿ ಮೊದಲ ಬಾರಿ ಮೊಹಮ್ಮದ್ ಶಮಿ ಮೇಲೆ ಹಸೀನ್ ಆರೋಪ ಮಾಡಿದ್ದರು. ಹಲ್ಲೆ, ಅತ್ಯಾಚಾರ, ಕೊಲೆ ಯತ್ನ ಮತ್ತು ಕೌಟುಂಬಿಕ ದೌರ್ಜನ್ಯದ ಆರೋಪಗಳನ್ನು ದಾಖಲಿಸಲಾಗಿತ್ತು.