ಕಳೆದು ಎರಡು ವಾರಗಳಲ್ಲಿ ಪುಣೆಯ 4 ಆಸ್ಪತ್ರೆಗಳಲ್ಲಿ ಮೊನೊಕ್ಲೋನಲ್ ಆಂಟಿಬಾಡೀಸ್ ಸಿಂಗಲ್ ಡೋಸ್ ಕಾಕ್ಟೇಲ್ ಕೋವಿಡ್ ಮೆಡಿಸಿನ್ ಸ್ವೀಕರಿಸಿದ ಸೌಮ್ಯದಿಂದ ಮಧ್ಯಮ ಪ್ರಮಾಣದ ಲಕ್ಷಣಗಳನ್ನ ಹೊಂದಿದ್ದ ಆರು ಮಂದಿ ಸೋಂಕಿತರು ವೇಗವಾಗಿ ಚೇತರಿಸಿಕೊಂಡಿದ್ದಾರೆ ಎಂದು ವರದಿಯಾಗಿದೆ.
ಮೊನೊಕ್ಲೋನಲ್ ಆಂಟಿಬಾಡಿಗಳು ಪ್ರಯೋಗಾಲಯದಲ್ಲಿ ತಯಾರಿಸಿದ ಪ್ರೋಟಿನ್ಗಳಾಗಿದ್ದು ದೇಹದಲ್ಲಿ ರೋಗ ನಿರೋಧಕ ಶಕ್ತಿಯಂತೆ ವರ್ತಿಸಿ ವೈರಾಣುಗಳ ವಿರುದ್ಧ ಹೋರಾಡುತ್ತದೆ.
ಇದರಿಂದ ರೋಗಿಗಳು ಬಹುಬೇಗನೆ ಸುಧಾರಿಸಿಕೊಳ್ತಾರೆ. ಇದು ಸೌಮ್ಯದಿಂದ ಮಧ್ಯಮ ಲಕ್ಷಣ ಹೊಂದಿದ ರೋಗಿಗಳಿಗೆ ಮಾತ್ರ ಕಾರ್ಯನಿರ್ವಹಿಸುತ್ತೆ. ಸಿಂಗಲ್ ಡೋಸ್ ಥೆರಪಿಗೆ 60 ಸಾವಿರ ರೂಪಾಯಿ ಖರ್ಚು ಮಾಡಬೇಕಾಗುತ್ತೆ.
ನಾವು ಇಬ್ಬರು ಸೋಂಕಿತರಿಗೆ ಮೊನೋಕ್ಲೋನಲ್ ಆಂಟಿಬಾಡಿ ಕಾಕ್ಟೇಲ್ ಥೆರಪಿಯನ್ನ ನೀಡಿದ್ದೆವು. ಇವರಿಬ್ಬರ ದೇಹವು ಈ ಚಿಕಿತ್ಸೆಗೆ ಉತ್ತಮವಾಗಿ ಸ್ಪಂದಿಸಿದೆ. ಹಾಗೂ ಇಬ್ಬರೂ ಕೊರೊನಾದಿಂದ ಶೀಘ್ರವೇ ಗುಣಮುಖರಾಗಿದ್ದಾರೆ ಎಂದು ತಜ್ಞ ವೈದ್ಯ ಮಹೇಶ್ ಲಾಖೆ ಹೇಳಿದ್ದಾರೆ.
Loading ...