ಮನುಷ್ಯನ ದೇಹದಲ್ಲಿ ಉತ್ಪತ್ತಿಯಾಗುವ ಶಕ್ತಿಯನ್ನ ಬಳಕೆ ಮಾಡಿ ಸ್ಮಾರ್ಟ್ ಫೋನ್ ಹಾಗೂ ಸ್ಮಾರ್ಟ್ ವಾಚ್ಗಳನ್ನ ಚಾರ್ಜ್ ಮಾಡಬಲ್ಲ ಸ್ಟ್ರಿಪ್ ಒಂದನ್ನ ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯದ ವಿಜ್ಞಾನಿಗಳ ತಂಡ ಅಭಿವೃದ್ಧಿ ಪಡಿಸಿದೆ. ಈ ಅಧ್ಯಯನದಲ್ಲಿ ಭಾಗಿಯಾದ ವಿಜ್ಞಾನಿಗಳು ನೀಡಿರುವ ಮಾಹಿತಿಯ ಪ್ರಕಾರ ಹತ್ತು ಗಂಟೆಗಳ ನಿದ್ರೆಯ ಸಮಯದಲ್ಲಿ ಈ ಪಟ್ಟಿಯನ್ನ ಧರಿಸೋದ್ರಿಂದ ಉತ್ಪತ್ತಿಯಾದ ಶಕ್ತಿಯಲ್ಲಿ ಸ್ಮಾರ್ಟ್ ವಾಚ್ಗಳು 24 ಗಂಟೆಗಳ ಕಾಲ ಕಾರ್ಯನಿರ್ವಹಿಸಬಲ್ಲದಂತೆ.
ಶಾಕಿಂಗ್: ಇಂಗ್ಲೆಂಡ್ ಸರಣಿಗೆ ತೆರಳಿದ ಟೀಂ ಇಂಡಿಯಾದ ಇಬ್ಬರು ಆಟಗಾರರಿಗೆ ಕೊರೊನಾ ಸೋಂಕು….!
ಪ್ರಸ್ತುತ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಶಕ್ತಿ ಉತ್ಪಾದಿಸುವ ಸ್ಟ್ರಿಪ್ಗಳನ್ನ ಧರಿಸಿದಾಗ ವ್ಯಕ್ತಿಯು ಹೆಚ್ಚು ದೇಹವನ್ನ ದಂಡಿಸಬೇಕು ಅಥವಾ ಬಾಹ್ಯ ಶಕ್ತಿ ಅಂದರೆ ಸೂರ್ಯನ ಬೆಳಕು ಸೇರಿದಂತೆ ಇತರೆ ಮೂಲಗಳನ್ನ ಅವಲಂಬಿಸಿ ಇರುತ್ತದೆ. ಆದರೆ ಕ್ಯಾಲಿಫೋರ್ನಿಯಾ ವಿಜ್ಞಾನಿಗಳು ಕಂಡು ಹಿಡಿದ ಈ ಸಾಧನದ ಸಹಾಯದಿಂದ ವ್ಯಕ್ತಿ ಮಲಗಿದ್ದಾಗಲೂ ಸಹ ಸ್ಟ್ರಿಪ್ನ ಸಹಾಯದಿಂದ ಸ್ಮಾರ್ಟ್ ಫೋನ್ ಹಾಗೂ ವಾಚ್ಗಳನ್ನ ಚಾರ್ಜ್ ಮಾಡಬಹುದಾಗಿದೆ.
ಮನುಷ್ಯನ ಬೆವರಿನಿಂದ ಶಕ್ತಿಯನ್ನ ಉತ್ಪಾದಿಸಬಲ್ಲ ಇತರೆ ಸಾಧನಗಳಂತೆ ಇದಕ್ಕೆ ಹೆಚ್ಚಿನ ದೇಹದಂಡನೆಯ ಅಗತ್ಯ ಇಲ್ಲವೇ ಇಲ್ಲ. ನೀವು ಸಾಮಾನ್ಯ ರೀತಿಯಲ್ಲಿದ್ದೇ ಈ ಸಾಧನದ ಉಪಯೋಗ ಪಡೆಯಬಹುದಾಗಿದೆ ಎಂದು ವಿದ್ಯಾರ್ಥಿ ಲು ಯಿನ್ ಹೇಳಿದ್ದಾರೆ.