ತಿಹಾರ್​ ಜೈಲಿನಲ್ಲಿ ಐಷಾರಾಮಿ ಜೀವನ: ಆಪ್​ ಸಚಿವನ ಮತ್ತೊಂದು ವಿಡಿಯೋ ರಿಲೀಸ್​

ತಿಹಾರ್​: ಅತ್ಯಾಚಾರದ ಆರೋಪದಲ್ಲಿ ಜೈಲು ಪಾಲಾಗಿರುವ ಆಮ್ ಆದ್ಮಿ ಪಕ್ಷದ (ಎಎಪಿ) ಸಚಿವ ಸತ್ಯೇಂದ್ರ ಜೈನ್ ಅವರು ತಿಹಾರ್ ಜೈಲಿನ ಕೊಠಡಿಯಲ್ಲಿ ಮಸಾಜ್ ಮಾಡಿಸಿಕೊಳ್ಳುತ್ತಿರುವ ವಿಡಿಯೋ ಇತ್ತೀಚೆಗೆ ಬಿಡುಗಡೆಯಾಗಿತ್ತು. ಅದರ ಬೆನ್ನಲ್ಲೇ ಇದೀಗ ಸೆಲ್ ಒಳಗೆ ರುಚಿಕರವಾದ ಊಟವನ್ನು ಆನಂದಿಸುತ್ತಿರುವ ವಿಡಿಯೋ ವೈರಲ್​ ಆಗಿದೆ.

ಭಾರತೀಯ ಜನತಾ ಪಕ್ಷವು (ಬಿಜೆಪಿ) ಈ ವಿಡಿಯೋ ಹಂಚಿಕೊಂಡಿದೆ. ಬಿಜೆಪಿಯ ರಾಷ್ಟ್ರೀಯ ವಕ್ತಾರ ಶೆಹಜಾದ್ ಪೂನವಾಲಾ ಅವರು ವಿಡಿಯೋ ಶೇರ್​ ಮಾಡಿಕೊಂಡಿದ್ದು, ಅದರಲ್ಲಿ ಜೈನ್​ ತಿಹಾರ್ ಜೈಲಿನಲ್ಲಿ ರುಚಿಯಾದ ಊಟವನ್ನು ಆನಂದಿಸುತ್ತಿರುವ ದೃಶ್ಯ ನೋಡಬಹುದಾಗಿದೆ.

ರಜೆಯ ಮೇಲೆ ರೆಸಾರ್ಟ್‌ನಲ್ಲಿರುವಂತೆ ಅಟೆಂಡೆಂಟ್‌ಗಳು ಅವರಿಗೆ ಆಹಾರವನ್ನು ಬಡಿಸುತ್ತಾರೆ. ಹವಾಲಾಬಾಜ್‌ಗೆ ವಿವಿಐಪಿ ಮಜಾ ಸಿಗುತ್ತದೆ ಎಂದು ಕೇಜ್ರಿವಾಲ್ ಜಿ ಖಚಿತಪಡಿಸಿದ್ದಾರೆ ಎಂದು ಟ್ವಿಟರ್​ನಲ್ಲಿ ಶೀರ್ಷಿಕೆ ನೀಡಲಾಗಿದೆ.

ವಿಡಿಯೋದಲ್ಲಿ ಜೈನ್ ಅವರು ಸವಿಯಾದ ಊಟವನ್ನು ಊಟ ಮಾಡುತ್ತಿರುವುದನ್ನು ನೋಡಬಹುದು. ಸಲಾಡ್‌, ಇತರ ರುಚಿಕರವಾದ ಮತ್ತು ಪೌಷ್ಟಿಕ ಆಹಾರ ಪದಾರ್ಥಗಳು ಅವರ ತಟ್ಟೆಯಲ್ಲಿವೆ. ಆಹಾರವನ್ನು ತರುವುದರಿಂದ ಹಿಡಿದು ತನ್ನ ಕುರ್ಚಿಯ ಬಳಿ ಕಸದ ತೊಟ್ಟಿ ಇಡುವವರೆಗೆ ನಿರಂತರವಾಗಿ ಒಬ್ಬ ವ್ಯಕ್ತಿ ಇವರ ಸೇವೆ ಮಾಡುತ್ತಿರುವ ದೃಶ್ಯ ವಿಡಿಯೋದಲ್ಲಿ ಸೆರೆಯಾಗಿದೆ. ಈ ವೈರಲ್​ ವಿಡಿಯೋಗೆ ವ್ಯಾಪಕ ಖಂಡನೆ ವ್ಯಕ್ತವಾಗಿದೆ.