ಉತ್ತರಾಖಂಡ್ನ ಅಲ್ಮೋರಾದ ನಿವಾಸಿ ಪ್ರದೀಪ್ ಮೆಹ್ರಾ ರಾತ್ರೋ ರಾತ್ರಿ ಇಂಟರ್ನೆಟ್ನಲ್ಲಿ ಸ್ಟಾರ್ ಆಗಿದ್ದಾರೆ. ಸೇನೆಗೆ ಸೇರೆಬೇಕೆಂದು ಕನಸು ಹೊತ್ತಿರುವ ಈ ಯುವಕ ಮಧ್ಯರಾತ್ರಿ 10 ಕಿಮೀ ದೂರ ಓಡುವ ಮೂಲಕ ತನ್ನ ಕನಸನ್ನು ನನಸು ಮಾಡಿಕೊಳ್ಳುವತ್ತ ಮುಂದಡಿ ಇಡುತ್ತಿದ್ದಾರೆ ಎಂಬ ವಿಚಾರ ಇಂಟರ್ನೆಟ್ನಲ್ಲಿ ಕಾಡ್ಗಿಚ್ಚಿನಲ್ಲಿ ಹರಡುತ್ತಿದ್ದಂತೆಯೇ ಇದೀಗ ಪ್ರದೀಪ್ಗೆ ಸಹಾಯ ಹಸ್ತವೊಂದು ಕೈ ಚಾಚಿದೆ.
ನಿವೃತ್ತ ಲೆ. ಜನರಲ್ ಸತೀಶ್ ದುವಾ ಈ ಯುವಕನ ವಿಡಿಯೋವನ್ನು ಟ್ವೀಟ್ ಮಾಡುವ ಮೂಲಕ ತಾನು ಈತನ ಕನಸನ್ನು ನನಸು ಮಾಡಲು ಸಹಾಯ ನೀಡುತ್ತೇನೆ ಎಂದು ಹೇಳಿದ್ದಾರೆ.
ಪ್ರಶಸ್ತಿ ವಿಜೇತ ಫಿಲಂ ಮೇಕರ್ ವಿನೋದ್ ಕಪ್ರಿ ಸೋಶಿಯಲ್ ಮೀಡಿಯಾದಲ್ಲಿ ಈ ಯುವಕನ ವಿಡಿಯೋವನ್ನು ಶೇರ್ ಮಾಡಿದ್ದರು. ಇದರಲ್ಲಿ ಯುವಕ ತಾನು ಪ್ರತಿದಿನ ರಾತ್ರಿ ನೋಯ್ಡಾ ಸೆಕ್ಟರ್ 16 ರಿಂದ ಬರೋಲಾದವರೆಗೆ ಓಡಿಕೊಂಡೇ ಸಾಗುವುದಾಗಿ ಹೇಳಿದ್ದ. ಸೇನೆಗೆ ಸೇರುವ ಸಲುವಾಗಿ ತಾನು ಪ್ರತಿದಿನ ಈ ರೀತಿ ಅಭ್ಯಾಸ ಮಾಡುತ್ತಿರೋದಾಗಿ ಹೇಳಿಕೊಂಡಿದ್ದ.
Loading ...