ಮಧ್ಯರಾತ್ರಿ ರೈಲಿನಲ್ಲಿ ಆಮ್ಲಜನಕ ಕೊರತೆಯಿಂದ ಬಳಲುತ್ತಿದ್ದ ಮಗು…! ಒಂದೇ ಒಂದು ಮನವಿಗೆ ಸ್ಪಂದಿಸಿ ನೆರವಿಗೆ ಸಾಲುಗಟ್ಟಿ ನಿಂತ ಜನ

ಮಧ್ಯರಾತ್ರಿ ಸುಮಾರಿಗೆ ಆಮ್ಲಜನಕದ ಕೊರತೆಯಿಂದ ಬಳಲುತ್ತಿದ್ದ 24 ದಿನದ ಮಗುವಿಗೆ ಸಹಾಯ ಮಾಡಲು ಮಧ್ಯಪ್ರದೇಶದ ಭೋಪಾಲ್​​ ನಿವಾಸಿಗಳು ಮುಂದಾಗಿದ್ದಾರೆ.

ರಾಜಧಾನಿ ಎಕ್ಸ್​ಪ್ರೆಸ್​​ನಲ್ಲಿ ನಾಗ್ಪುರದಿಂದ ದೆಹಲಿಗೆ ಪ್ರಯಾಣಿಸುತ್ತಿದ್ದ ಶಿಶು ಕೃತಕ ಆಮ್ಲಜನಕದ ಮೇಲೆ ಉಸಿರಾಡುತ್ತಿತ್ತು. ಆದರೆ ಮಾರ್ಗ ಮಧ್ಯದಲ್ಲಿ ರೈಲಿನಲ್ಲಿ ಕೃತಕ ಆಮ್ಲಜನಕದ ಕೊರತೆಯಿದೆ ಎಂದು ತಿಳಿದುಬಂದಿದೆ.

BIG NEWS: ಮಗಳು ಮೃತಪಟ್ರೂ ಆಕೆಯ ತಂದೆಯ ಆಸ್ತಿಯಲ್ಲಿ ಪತಿ, ಮಕ್ಕಳಿಗೆ ಹಕ್ಕಿದೆ: ದೆಹಲಿ ಕೋರ್ಟ್ ಮಹತ್ವದ ಆದೇಶ

ಶಿಶುವಿನ ಪೋಷಕರು ಮಧ್ಯರಾತ್ರಿ ಎಸ್​ಒಎಸ್​ ಸಂದೇಶವನ್ನು ಕಳುಹಿಸಿದ್ದಾರೆ. ಕೆಲವೇ ಗಂಟೆಗಳಲ್ಲಿ ಈ ಸಂದೇಶ ಸಿಕ್ಕಾಪಟ್ಟೆ ವೈರಲ್​ ಆಗಿದೆ. ಬೆಳಗ್ಗಿನ ಜಾವ 2 ಗಂಟೆ ಸುಮಾರಿಗೆ ರೈಲು ಭೋಪಾಲ್​ನ ರೈಲು ನಿಲ್ದಾಣವನ್ನು ತಲುಪುವ ವೇಳೆಗೆ ವೈದ್ಯರು, ಎನ್ಜಿಓಗಳು, ರೈಲು ಅಧಿಕಾರಿಗಳು ಹಾಗೂ ಸಾಮಾನ್ಯ ನಾಗರಿಕರು ಆಮ್ಲಜನಕ ಸಿಲಿಂಡರ್​​​ ಸಮೇತ ಸರತಿಯಲ್ಲಿ ನಿಂತಿದ್ದರು.

ಮಗುವಿನ ತಂದೆ ಪ್ರವೀಣ್​ ಸಹಾರೆ ಭೋಪಾಲ್​ನ ಕೆಲವು ಸಂಸ್ಥೆಗಳ ಬಳಿ ಈ ಬಗ್ಗೆ ಮನವಿ ಮಾಡಿದ್ದರು. ನಾಗ್ಪುರದಲ್ಲಿರುವ ಪ್ರವೀಣ್​ ಸಹಾರೆ ಸ್ನೇಹಿತ ಖಶ್ರು ಯೋಚಾ ಆಮ್ಲಜನಕದ ಅಗತ್ಯತೆ ಬಗ್ಗೆ ಪೋಸ್ಟ್​ ಮಾಡಿದ್ದಾರೆ. ರೈಲ್ವೆ ಅಧಿಕಾರಿಗಳಿಗೂ ಟ್ಯಾಗ್​ ಮಾಡಿ ಪೋಸ್ಟ್​ ಮಾಡಿದ್ದರು.