ಆಹಾ…! ಆಗಸದಲ್ಲಿ ಇದೆಂಥ ಕೌತುಕ…… ಅಪರೂಪದ ಫೋಟೋ ಸೆರೆಹಿಡಿದ ಛಾಯಾಗ್ರಾಹಕ

ಅಮೆರಿಕದ ವ್ಯೋಮಿಂಗ್‌ನಲ್ಲಿ ಆಕಾಶ ವೀಕ್ಷಕರು ಅಪರೂಪದ ಕುತೂಹಲದ ಕ್ಷಣವನ್ನು ಸೆರೆಹಿಡಿದಿದ್ದಾರೆ. ಸಮುದ್ರದ ಅಲೆಗಳಂತೆಯೇ ಅಸಾಮಾನ್ಯ ಮತ್ತು ಸುಂದರವಾದ ಮೋಡದ ರಚನೆಗಳ ಚಿತ್ರಗಳನ್ನು ತೆಗೆದಿದ್ದಾರೆ. ಶೆರಿಡನ್‌ನಲ್ಲಿರುವ ಬಿಗಾರ್ನ್ ಪರ್ವತಗಳ ಶಿಖರದಲ್ಲಿ ಈ ಮನಮೋಹಕ ನೋಟ ಗೋಚರಿಸಿದೆ.

ಈ ರಚನೆಯನ್ನು ಕೆಲ್ವಿನ್-ಹೆಲ್ಮ್‌ಹೋಲ್ಟ್ಜ್ ಅಸ್ಥಿರತೆ ಎಂದು ಕರೆಯಲಾಗುತ್ತದೆ. ಇದನ್ನು ಬೀಸುವ ಮೋಡಗಳು ಎಂದೂ ಕರೆಯುತ್ತಾರೆ.

ಭೌತಶಾಸ್ತ್ರದ ವಿದ್ಯಮಾನವನ್ನು ಅಧ್ಯಯನ ಮಾಡಿದ ವಿಜ್ಞಾನಿಗಳಾದ ಲಾರ್ಡ್ ಕೆಲ್ವಿನ್ ಮತ್ತು ಹರ್ಮನ್ ವಾನ್ ಹೆಲ್ಮ್‌ಹೋಲ್ಟ್ಜ್ ಅವರ ಹೆಸರನ್ನು ಈ ರೂಪಕ್ಕೆ ಇಡಲಾಗಿದೆ.

ಇದರ ಸುಂದರ ನೋಟಗಳನ್ನು ರಾಚೆಲ್ ಗಾರ್ಡನ್ ಎನ್ನುವವರು ಮೊದಲು ಶೇರ್​ ಮಾಡಿದ್ದಾರೆ. ಇದನ್ನು ನೋಡಿದ ತಕ್ಷಣ ಸೆರೆ ಹಿಡಿಯಬೇಕು ಎಂದು ಎನಿಸಿತು. ಅದನ್ನು ಸೆರೆ ಹಿಡಿದು ಫೇಸ್​ಬುಕ್​ನಲ್ಲಿ ಪೋಸ್ಟ್​ ಮಾಡಿದೆ. ಇದಕ್ಕೆ ಇಷ್ಟೊಂದು ಅದ್ಭುತ ಪ್ರತಿಕ್ರಿಯೆ ದೊರಕುತ್ತದೆ ಎಂದು ತಿಳಿದಿರಲಿಲ್ಲ ಎಂದು ರಾಚೆಲ್ ಗಾರ್ಡನ್ ಹೇಳಿದ್ದಾರೆ.