40 ವರ್ಷದ ಮಾನಸಿಕ ಅಸ್ವಸ್ಥನ ಹೊಟ್ಟೆಗೆ ಶಸ್ತ್ರ ಚಿಕಿತ್ಸೆ ನಡೆಸಲಾಗಿದ್ದು ಈತನ ಹೊಟ್ಟೆಯಿಂದ ಆಘಾತಕಾರಿ ವಸ್ತುಗಳನ್ನು ವೈದ್ಯರು ಹೊರತೆಗೆದಿದ್ದಾರೆ. ಪಂಜಾಬ್ನ ಮೊಗಾದಿಂದ ಈ ಪ್ರಕರಣ ಬೆಳಕಿಗೆ ಬಂದಿದೆ. ಮಾನಸಿಕ ಅಸ್ವಸ್ಥನು ದೀರ್ಘಕಾಲದ ಹೊಟ್ಟೆನೋವಿನಿಂದ ಬಳಲುತ್ತಿದ್ದ ಎನ್ನಲಾಗಿದೆ. ಇದರಿಂದಾಗಿ ಈತನಿಗೆ ವೈದ್ಯರು ಶಸ್ತ್ರಚಿಕಿತ್ಸೆ ನಡೆಸಿದ್ದರು.
ವೈದ್ಯರು ಸತತ ಮೂರು ಗಂಟೆಗಳ ಕಾಲ ಶಸ್ತ್ರಚಿಕಿತ್ಸೆ ನಡೆಸಿದ್ದು ಈತನ ಹೊಟ್ಟೆಯಿಂದ ಇಯರ್ಫೋನ್, ಲಾಕೆಟ್ಗಳು, ಸ್ಕ್ರೂಗಳು ಹಾಗೂ ರಾಖಿಗಳನ್ನು ಹೊರತೆಗೆಯಲಾಗಿದೆ.
ಆತನ ಹೊಟ್ಟೆಯಿಂದ ತೆಗೆದ ವಸ್ತುಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಅಪ್ಲೋಡ್ ಮಾಡಲಾಗಿದ್ದು ಈ ಫೋಟೋ ಸಖತ್ ವೈರಲ್ ಆಗಿದೆ. ಮಾನಸಿಕ ಅಸ್ವಸ್ಥನ ಹೊಟ್ಟೆಯಿಂದ ಸೇಫ್ಟಿ ಪಿನ್ಗಳು, ಶರ್ಟ್ ಬಟನ್ಗಳು ಹಾಗೂ ಜಿಪ್ಗಳನ್ನೂ ಹೊರತೆಗೆಯಲಾಗಿದೆ.
ಈ ವಿಚಾರದ ಬಗ್ಗೆ ಮಾಧ್ಯಮಗಳ ಜೊತೆ ಮಾತನಾಡಿದ ಮೊಗಾ ಮೆಡಿಸಿಟಿ ಆಸ್ಪತ್ರೆಯ ನಿರ್ದೇಶಕರು, ರೋಗಿಯು ಕಳೆದ 2 ವರ್ಷಗಳಿಂದ ಹೊಟ್ಟೆ ನೋವಿನಿಂದ ಬಳಲುತ್ತಿದ್ದರು. ಜ್ವರ ಹಾಗೂ ವಾಂತಿ ತೀವ್ರವಾದ ಹಿನ್ನೆಲೆಯಲ್ಲಿ ಇವರನ್ನು ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ಅವರ ಹೊಟ್ಟೆಯಲ್ಲಿ ಸ್ಕ್ರೂಗಳು, ನಟ್ಗಳು ಹಾಗೂ ಬೋಲ್ಟ್ಗಳು ಇರೋದು ವೈದ್ಯರ ಗಮನಕ್ಕೆ ಬಂದ ಹಿನ್ನೆಲೆಯಲ್ಲಿ ಶಸ್ತ್ರಚಿಕಿತ್ಸೆ ನಡೆಸುವ ನಿರ್ಧಾರಕ್ಕೆ ನಾವು ಬಂದಿದ್ದೇವು ಎಂದು ಹೇಳಿದ್ದಾರೆ
Loading ...