ಕಾಂಗ್ರೆಸ್ ಭದ್ರಕೋಟೆಯಲ್ಲೇ ಬಾಲಿವುಡ್ ಸ್ಟಾರ್ ಸೋನು ಸೂದ್ ಸೋದರಿಗೆ ಬಿಗ್ ಶಾಕ್: ಆಪ್ ಸುನಾಮಿಗೆ ಕೊಚ್ಚಿ ಹೋದ ಘಟಾನುಘಟಿ ನಾಯಕರು

ನವದೆಹಲಿ: ಬಾಲಿವುಡ್ ನಟ ಸೋನು ಸೂದ್ ಅವರ ಸಹೋದರಿ ಮತ್ತು ಕಾಂಗ್ರೆಸ್ ಅಭ್ಯರ್ಥಿ ಮಾಳವಿಕಾ ಸೂದ್ ಅವರು ಪಂಜಾಬ್ ನ ಮೋಗಾ ಕ್ಷೇತ್ರದಲ್ಲಿ ಸೋಲು ಕಂಡಿದ್ದಾರೆ.

ಎಎಪಿಯ ಡಾ ಅಮನ್‌ ದೀಪ್ ಕೌರ್ ಅರೋರಾ ಅವರು ಮೊಗಾ ಕ್ಷೇತ್ರದಲ್ಲಿ 20,000 ಕ್ಕೂ ಹೆಚ್ಚು ಮತಗಳಿಂದ ಮಾಳವಿಕಾ ಸೂದ್ ಅವರನ್ನು ಸೋಲಿಸಿದ್ದಾರೆ.

ವಿಜಯಿಯಾದ ಎಎಪಿ ಅಭ್ಯರ್ಥಿ 58,813 ಮತಗಳನ್ನು ಗಳಿಸಿದರೆ, ಎರಡನೇ ಸ್ಥಾನ ಪಡೆದ ಕಾಂಗ್ರೆಸ್‌ನ ಮಾಳವಿಕಾ ಸೂದ್ 38125 ಮತಗಳನ್ನು ಪಡೆದರು.

40 ವರ್ಷಗಳಿಂದ ಮೊಗಾ ಕ್ಷೇತ್ರವು ಸಾಂಪ್ರದಾಯಿಕ ಕಾಂಗ್ರೆಸ್ ಭದ್ರಕೋಟೆಯಾಗಿದೆ. 1977 ರಿಂದ 2017ರ ವರೆಗಿನ ಚುನಾವಣೆಗಳಲ್ಲಿ ಕಾಂಗ್ರೆಸ್ ಪಕ್ಷ ಇಲ್ಲಿಂದ ಆರು ಬಾರಿ ಗೆದ್ದಿದೆ. 2017ರಲ್ಲಿ ನಡೆದ ಚುನಾವಣೆಯಲ್ಲಿ ಹರ್ಜೋತ್ ಸಿಂಗ್ ಗೆದ್ದಿದ್ದರು.

ದಶಕಗಳ ಕಾಲ ಕಾಂಗ್ರೆಸ್ ಭದ್ರಕೋಟೆಯಾಗಿದ್ದ ಈ ಕ್ಷೇತ್ರ ಮಾಳವಿಕಾ ಸೂದ್ ಪ್ರವೇಶದ ನಂತರ ಸೆಲೆಬ್ರಿಟಿಗಳ ಸ್ಥಾನವಾಯಿತು. ಆದರೆ, ಈ ಬಾರಿ ಮೊಗಾ ವಿಧಾನಸಭಾ ಕ್ಷೇತ್ರದಿಂದ ಆಮ್ ಆದ್ಮಿ ಪಕ್ಷದ ಅಭ್ಯರ್ಥಿ ಡಾ.ಅಮನ್ ದೀಪ್ ಕೌರ್ ಅರೋರಾ ಗೆಲುವು ಸಾಧಿಸಿದ್ದಾರೆ.

ಎಎಪಿ ಸುನಾಮಿಗೆ ಮೂವರು ಮಾಜಿ ಮುಖ್ಯಮಂತ್ರಿಗಳು ಸೇರಿದಂತೆ ಹಲವಾರು ದಿಗ್ಗಜರನ್ನು ಸೋಲು ಕಂಡಿದ್ದಾರೆ. ಚಮ್ಕೌರ್ ಸಾಹಿಬ್ ಹಾಗೂ ಭದೌರ್‌ನಿಂದ ಸೋತ ಮುಖ್ಯಮಂತ್ರಿ ಚರಂಜಿತ್ ಸಿಂಗ್ ಚನ್ನಿ ಅವರಲ್ಲದೆ, ಮಾಜಿ ಸಿಎಂಗಳಾದ ಪ್ರಕಾಶ್ ಸಿಂಗ್ ಬಾದಲ್, ಅಮರಿಂದರ್ ಸಿಂಗ್ ಮತ್ತು ರಾಜಿಂದರ್ ಕೌರ್ ಭಟ್ಟಾಲ್ ಕೂಡ ಸೋಲು ಕಂಡ ಪ್ರಮುಖರಾಗಿದ್ದಾರೆ.

ಪಂಜಾಬ್ ಕಾಂಗ್ರೆಸ್ ಮುಖ್ಯಸ್ಥ ನವಜೋತ್ ಸಿಂಗ್ ಸಿಧು, ಹಿರಿಯ ಎಸ್‌ಎಡಿ ನಾಯಕ ಬಿಕ್ರಮ್ ಸಿಂಗ್ ಮಜಿಥಿಯಾ ಮತ್ತು ಹಲವಾರು ಪಂಜಾಬ್ ಸಚಿವರು ಸೋಲಿನ ರುಚಿ ಕಂಡಿದ್ದಾರೆ.

ಧುರಿಯಿಂದ ಎಎಪಿಯ ಮುಖ್ಯಮಂತ್ರಿ ಮುಖಾಮುಖಿ ಭಗವಂತ್ ಮಾನ್, ದಿರ್ಬಾದಿಂದ ಪ್ರತಿಪಕ್ಷದ ನಾಯಕ ಹರ್ಪಾಲ್ ಸಿಂಗ್ ಚೀಮಾ, ಪಠಾಣ್‌ಕೋಟ್‌ನಿಂದ ಪಂಜಾಬ್ ಬಿಜೆಪಿ ಮುಖ್ಯಸ್ಥ ಅಶ್ವನಿ ಕುಮಾರ್ ಶರ್ಮಾ, ಖಾಡಿಯನ್‌ನಿಂದ ಕಾಂಗ್ರೆಸ್ ನಾಯಕ ಪ್ರತಾಪ್ ಸಿಂಗ್ ಬಾಜ್ವಾ ಮತ್ತು ಕಪುರ್ತಲಾದಿಂದ ಸಚಿವ ರಾಣಾ ಗುರ್ಜಿತ್ ಸಿಂಗ್ ಜಯಗಳಿಸಿದ ಪ್ರಮುಖರಾಗಿದ್ದಾರೆ.