ಒಂದು ಕಾಲದ ಅಂತಾರಾಷ್ಟ್ರೀಯ ಫುಟ್​ಬಾಲ್​ ಆಟಗಾರ; ಈಗ ಫುಡ್​ ಡೆಲವರಿ ಏಜೆಂಟ್​

ಒಂದು ಕಾಲದಲ್ಲಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ದೇಶವನ್ನು ಪ್ರತಿನಿಧಿಸಿದ್ದ ಸ್ಟಾರ್ ಅಥ್ಲೀಟ್‌ಗಳು ತಮ್ಮ ಕುಟುಂಬವನ್ನು ಪೋಷಿಸಲು ಸಣ್ಣಪುಟ್ಟ ಕೆಲಸಗಳನ್ನು ಮಾಡುತ್ತಿರುವ ಘಟನೆಗಳು ಆಗಾಗ್ಗೆ ವರದಿಯಾಗುತ್ತಲೇ ಇರುತ್ತವೆ. ಅಂಥದ್ದೇ ಒಂದು ಕ್ರೀಡಾಪಟುವಿನ ವಿಷಯವೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿವೆ.

ಒಂದು ಕಾಲದಲ್ಲಿ ಭಾರತವನ್ನು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಪ್ರತಿನಿಧಿಸಿದ ಫುಟ್ಬಾಲ್ ಆಟಗಾರ ಪೌಲಮಿ ಅಧಿಕಾರಿಯ ಕಥೆ ಇದು. ಅವರೀಗ ಜೊಮ್ಯಾಟೊದ ಫುಡ್​ ಡೆಲವರಿ ಏಜೆಂಟ್​ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಇದರ ಬಗ್ಗೆ ಅವರು ನೋವನ್ನು ತೋಡಿಕೊಂಡಿದ್ದಾರೆ.

ಕೋಲ್ಕತಾದ ಬೆಹಲಾ ಪ್ರದೇಶದ ಶಿಬ್ರಾಂಪುರ ನಿವಾಸಿಯಾಗಿರುವ ಪೌಲಮಿ ಪ್ರಸ್ತುತ ಚಾರುಚಂದ್ರ ಕಾಲೇಜಿನಲ್ಲಿ 3ನೇ ವರ್ಷದ ವಿದ್ಯಾರ್ಥಿನಿ. ಅಂಡರ್ 16 ಫುಟ್ಬಾಲ್ ಪಂದ್ಯಾವಳಿಗಳಲ್ಲಿ ಭಾರತವನ್ನು ಪ್ರತಿನಿಧಿಸಲು ಜರ್ಮನಿ, ಇಂಗ್ಲೆಂಡ್​, ಶ್ರೀಲಂಕಾ ಮತ್ತು ಇತರ ಹಲವು ಸ್ಥಳಗಳಿಗೆ ಇವರು ಪ್ರಯಾಣಿಸಿದ್ದಾರೆ.

ಆದಾಗ್ಯೂ, ಪೌಲಮಿ ಕನಸುಗಳನ್ನು ಮುಂದುವರಿಸಲು ಸಾಧ್ಯವಾಗಲಿಲ್ಲ, ಏಕೆಂದರೆ ಕುಟುಂಬ ನಿರ್ವಹಣೆ ಮುಖ್ಯವಾಯಿತು. ಇದೇ ಕಾರಣಕ್ಕೆ ಫುಡ್​ ಡೆಲವರಿ ಏಜೆಂಟ್​ ಆಗಿ ಕೆಲಸ ಮಾಡುತ್ತಿದ್ದಾರೆ. ಇವರ ಜೀವನ ಕಥೆಯನ್ನು ನೋಡಿ ನೆಟ್ಟಿಗರು ಕಣ್ಣೀರು ಹಾಕುತ್ತಿದ್ದು, ಇವರಿಗೆ ಸರ್ಕಾರ ನೆರವು ಮಾಡಬೇಕು ಎಂದು ಕೋರುತ್ತಿದ್ದಾರೆ.