2023ನೇ ಸಾಲಿನ ಏಕದಿನ ವಿಶ್ವಕಪ್ ನಿಮಿತ್ತ ಪಾಕಿಸ್ತಾನ ಕ್ರಿಕೆಟ್ ತಂಡವು ಬುಧವಾರದಂದು ಭಾರತಕ್ಕೆ ಬಂದಿಳಿದಿದೆ. ಏಳು ವರ್ಷಗಳ ಬಳಿಕ ಪಾಕ್ ಆಟಗಾರರು ಭಾರತಕ್ಕೆ ಆಗಮಿಸಿದ್ದಾರೆ. ಈ ಏಕದಿನ ವಿಶ್ವಕಪ್ ಪಂದ್ಯವು ಅಕ್ಟೋಬರ್ 5ರಿಂದ ಪ್ರಾರಂಭವಾಗಲಿದ್ದು ನವೆಂಬರ್ 19ರವರೆಗೂ ನಡೆಯಲಿದೆ.
ಕ್ರಿಕೆಟ್ ನಿಮಿತ್ತ ಹೈದರಾಬಾದ್ಗೆ ಆಗಮಿಸಿದ ಪಾಕ್ ತಂಡಕ್ಕೆ ವಿಮಾನ ನಿಲ್ದಾಣದಲ್ಲಿ ಆತ್ಮೀಯ ಸ್ವಾಗತ ನೀಡಲಾಗಿದೆ. ಹೈದರಾಬಾದ್ಗೆ ಪಾಕ್ ಆಟಗಾರರು ಬಂದಿಳಿಯುತ್ತಿದ್ದಂತೆಯೇ ಅಲ್ಲಿದ್ದ ಅನೇಕರು ಬಾಬರ್ ಅಜಮ್ರ ಹೆಸರನ್ನು ಕೂಗಿದ್ದಾರೆ.
ಪಾಕ್ ತಂಡವು ಭಾರತಕ್ಕೆ ಆಗಮಿಸಿದ ವಿಡಿಯೋಗಳು ಎಕ್ಸ್ ನಲ್ಲಿ ವೈರಲ್ ಆಗಿದೆ. ಪಾಕ್ ತಂಡದ ನಾಯಕನನ್ನು ಕೇಸರಿ ಶಾಲಿನೊಂದಿಗೆ ಸ್ವಾಗತಿಸಿದ ವಿಡಿಯೋ ಕೂಡ ವೈರಲ್ ಆಗಿದೆ. ಹೊಸ ಭಾರತ – ಹೊಸ ಪಾಕಿಸ್ತಾನ ತಂಡದ ಕ್ರಿಕೆಟ್ ಆಟಗಾರರು ಎಂದು ಈ ವಿಡಿಯೋಗಳಿಗೆ ಶೀರ್ಷಿಕೆ ನೀಡಲಾಗಿದೆ.
Loading ...