ಲಸಿಕೆ ತುಂಬದೆ ಸಿರಿಂಜ್ ಇಂಜೆಕ್ಟ್ ಮಾಡಿದ ನರ್ಸ್: ವೈರಲ್ ಆಯ್ತು ಬೆಚ್ಚಿಬೀಳಿಸುವ ವಿಡಿಯೋ..! 25-06-2021 6:34PM IST / No Comments / Posted In: Corona, Corona Virus News, Latest News, India, Live News ದೇಶದಲ್ಲಿ ಕೊರೊನಾ ಲಸಿಕೆಯ ಅಭಿಯಾನ ಭರದಿಂದ ಸಾಗಿದೆ. ಈ ನಡುವೆ ಬಿಹಾರದ ನರ್ಸ್ ಒಬ್ಬರು ಸಿರಿಂಜ್ ತುಂಬಿಸದೇ ವ್ಯಕ್ತಿಗೆ ಲಸಿಕೆ ನೀಡಿದಂತೆ ನಾಟಕ ಮಾಡಿದ್ದು, ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಈ ವಿಡಿಯೋದಲ್ಲಿ ನರ್ಸ್ ಖಾಲಿ ಸಿರಿಂಜ್ ಹಿಡಿದು ಇಂಜೆಕ್ಷನ್ ನೀಡಿರೋದು ಸ್ಪಷ್ಟವಾಗಿ ಗೋಚರವಾಗಿದೆ. ಜೂನ್ 21ನೇ ತಾರೀಖಿನಂದು ಬಿಹಾರದ ಛಾಪ್ರಾ ಜಿಲ್ಲೆಯಲ್ಲಿ ಈ ಘಟನೆ ನಡೆದಿದೆ. ಆದರೆ ಈ ವಿಡಿಯೋ ತಡವಾಗಿ ಬೆಳಕಿಗೆ ಬಂದಿದೆ. 48 ವರ್ಷದ ನರ್ಸ್ ಚಂದ ಕುಮಾರಿ ಜನರ ಜೊತೆ ಮಾತನಾಡುತ್ತಾ ಸಿರಿಂಜ್ ನ್ನು ಕೈಗೆ ತೆಗೆದುಕೊಳ್ತಾರೆ. ಇದಕ್ಕೆ ಲಸಿಕೆಯನ್ನ ತುಂಬದೇ ವ್ಯಕ್ತಿಗೆ ಇಂಜೆಕ್ಷನ್ ನೀಡಿದ್ದಾರೆ. 20 ವರ್ಷದ ಅಝರ್ ಈ ವಿಚಾರದ ಬಗ್ಗೆ ಮಾತನಾಡಿದ್ದು, ಪ್ಲಾಸ್ಟಿಕ್ ಕವರ್ನಿಂದ ಸಿರಿಂಜ್ ನ್ನು ಹೊರತೆಗೆದ ನರ್ಸ್ ಅದರಲ್ಲಿ ಲಸಿಕೆಯನ್ನ ತುಂಬದೇ ನನಗೆ ಇಂಜೆಕ್ಟ್ ಮಾಡಿದ್ದಾರೆ ಎಂದು ಹೇಳಿದ್ದಾರೆ. ಅಜರ್ ಸ್ನೇಹಿತ ಈ ವಿಡಿಯೋ ಚಿತ್ರೀಕರಿಸಿದ್ದು ವಿಡಿಯೋ ನೋಡಿದ ಬಳಿಕ ಅಜರ್ ಶಾಕ್ ಆಗಿದ್ದಾರೆ. ಈ ವಿಡಿಯೋ ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. Somewhere in #Bihar , Look at Bihari style , without vaccine giving injection, but friends were recording everything on mobile & when they came back to home , saw the truth ? @DrJwalaG @ShibuVarkey_dr @mangalpandeybjp @ArvinderSoin #FreeVaccine pic.twitter.com/IcCwFTXlMy — The Warrior X (@optimusprime699) June 24, 2021