ನೃತ್ಯದ ಮೂಲಕ ಚಿಂದಿ ಉಡಾಯಿಸಿದ ನಾರ್ವೇಯನ್ ತಂಡ

ನಾರ್ವೇಯನ್ ನೃತ್ಯ ತಂಡವಾಗಿರುವ ‘ದಿ ಕ್ವಿಕ್ ಸ್ಟೈಲ್’, ಇತ್ತೀಚೆಗೆ ತಮ್ಮ ನೃತ್ಯಗಳ ವಿಡಿಯೋದಿಂದ ಭಾರಿ ಸುದ್ದಿ ಮಾಡುತ್ತಿದೆ. ಇದೀಗ ಅವರು ಮತ್ತೊಂದು ಮೋಡಿಮಾಡುವ ಪ್ರದರ್ಶನದೊಂದಿಗೆ ಜಾಲತಾಣವನ್ನು ಬೆರಗುಗೊಳಿಸಿದ್ದಾರೆ. ಅವರ ಇತ್ತೀಚಿನ ಇನ್​ಸ್ಟಾಗ್ರಾಮ್​ ಪೋಸ್ಟ್‌ನಲ್ಲಿ ಅವರು ಅಮರ್ ಜಲಾಲ್ ಮತ್ತು ಫರೀದ್‌ಕೋಟ್‌ನ ಹಿಟ್ ಹಾಡು ನಶಾಗೆ ನೃತ್ಯ ಮಾಡಿದ್ದಾರೆ.

ನಾರ್ವೇಯನ್ ಹುಡುಗರ ನೃತ್ಯ ಸಂಯೋಜನೆ, ಸಮನ್ವಯ ಮತ್ತು ಒಟ್ಟಾರೆ ವೈಬ್ ಸಾಮಾಜಿಕ ಮಾಧ್ಯಮ ಬಳಕೆದಾರರನ್ನು ಸಂತೋಷಗೊಳಿಸಿದೆ. ನರ್ತಕಿಯೊಬ್ಬರು ಕೆಲವು ಸ್ಟೆಪ್​ ಪ್ರದರ್ಶಿಸುವುದರೊಂದಿಗೆ ವೀಡಿಯೊ ಪ್ರಾರಂಭವಾಗುತ್ತದೆ. ವಿಡಿಯೋ ಮುಂದುವರೆದಂತೆ, ಇತರರು ತಮ್ಮದೇ ಆದ ಮೋಜಿನ ರೀತಿಯಲ್ಲಿ ಅವರೊಂದಿಗೆ ಒಂದೊಂದಾಗಿ ಸೇರುತ್ತಾರೆ, ಕೊನೆಯವರೆಗೂ ತಮ್ಮ ಸಾಂಪ್ರದಾಯಿಕ ಶೈಲಿಯಲ್ಲಿ ನೃತ್ಯವನ್ನು ಮುಂದುವರೆಸುತ್ತಾರೆ.

ಆಯುಷ್ಮಾನ್ ಖುರಾನಾ ಅವರ ಚಲನಚಿತ್ರ ಆನ್ ಆಕ್ಷನ್ ಹೀರೋ ಜೆಹ್ದಾ ನಶಾ ಅವರ ಮರುಸೃಷ್ಟಿಸಿದ ಆವೃತ್ತಿಯನ್ನು ಕೂಡ ಈ ತಂಡ ಮಾಡಿದ್ದು, ನೆಟ್ಟಿಗರು ಇದಕ್ಕೆ ಫಿದಾ ಆಗಿದ್ದಾರೆ. ಈ ಚಿತ್ರದ ಹೊಸ ಆವೃತ್ತಿಯನ್ನು ಅಮರ್ ಜಲಾಲ್, ಯೋಹಾನಿ, ಐಪಿ ಸಿಂಗ್ ಮತ್ತು ಹರ್ಜೋತ್ ಕೌರ್ ಹಾಡಿದ್ದಾರೆ. ಈ ವಿಡಿಯೋ ಸದ್ಯಕ್ಕೆ 5 ಮಿಲಿಯನ್‌ಗೂ ಹೆಚ್ಚು ವೀಕ್ಷಣೆಗಳನ್ನು ಪಡೆದುಕೊಂಡಿದೆ.