ಸಿಸಿ ಟಿವಿ ಸಹಾಯದಿಂದ ಕೇವಲ 36 ಗಂಟೆಯೊಳಗೆ ಆರೋಪಿಗಳ ಸೆರೆ ಹಿಡಿದ ರೈಲ್ವೇ ಪೊಲೀಸ್

ಮುಂಬೈ: ವಿರಾರ್‌ ರೈಲ್ವೆ ಸ್ಟೇಶನ್‌ನಲ್ಲಿ ನಡೆದ ಕಳ್ಳತನ ಪ್ರಕರಣವನ್ನು ಕ್ಲೋಸ್ಡ್ ಸರ್ಕ್ಯೂಟ್ ಕ್ಯಾಮೆರಾಗಳ (ಸಿಸಿ ಟಿವಿ) ದೃಶ್ಯಗಳ ನೆರವಿನೊಂದಿಗೆ 36 ಗಂಟೆಗಳ ಒಳಗೆ ಇತ್ಯರ್ಥಗೊಳಿಸಿದ್ದಾರೆ. ಈ ವಿದ್ಯಮಾನದ ಮೂಲಕ ರೈಲು ನಿಲ್ದಾಣಗಳಲ್ಲಿ ಅಳವಡಿಸಿರುವ ಸಿಸಿ ಟಿವಿ ಜಾಲ ತನ್ನ ಮೌಲ್ಯವನ್ನು ಸಾಬೀತುಪಡಿಸಿದೆ.

ವಿರಾರ್ ರೈಲ್ವೆ ನಿಲ್ದಾಣದಲ್ಲಿ ಮೇ 15-16 ರ ತಡರಾತ್ರಿ ಸಹ ಪ್ರಯಾಣಿಕನ ಮೇಲೆ ಹಲ್ಲೆ ನಡೆಸಿ ಅವರ ಬಳಿ ಇದ್ದ ಬೆಲೆ ಬಾಳುವ ವಸ್ತು ಕಸಿದೊಯ್ದಿದ್ದ ನಾಲ್ವರ ಪೈಕಿ ಇಬ್ಬರು ಆರೋಪಿಗಳನ್ನು ಸರ್ಕಾರಿ ರೈಲ್ವೆ ಪೊಲೀಸ್‌ (ಜಿಆರ್‌ಪಿ) ತಂಡ ಮೇ 18ರಂದು ಬಂಧಿಸಿದೆ. ಬಂಧಿತ ಆರೋಪಿಗಳು 19 ವರ್ಷ ವಯಸ್ಸಿನವರು.
ಮೇ 15 ರ ರಾತ್ರಿ, ದರೋಡೆಗೆ ಒಳಗಾದ ವ್ಯಕ್ತಿ ಅಂಧೇರಿಯಿಂದ 1.15 ರಿಂದ 1.25 ರ ನಡುವೆ ಚರ್ಚ್‌ಗೇಟ್-ವಿರಾರ್ ರೈಲನ್ನು ಹತ್ತಿದರು. ಅವರು ಚರ್ಚ್‌ಗೇಟ್-ಅಂತ್ಯದಲ್ಲಿದ್ದ ಲಗೇಜ್ ಕಂಪಾರ್ಟ್‌ಮೆಂಟ್‌ಗೆ ಹತ್ತಿದರು.

BIG NEWS: ಭಗತ್ ಸಿಂಗ್ ಪಾಠ ಯಾಕೆ ತೆಗೆದಿದ್ದೀರಿ ಎಂದು ಕೇಳಿದರೆ ದೇಶದ್ರೋಹವೇ ? ಸ್ವಾತಂತ್ರ್ಯ ಹೋರಾಟದಲ್ಲಿ ಹೆಡ್ಗೆವಾರ್ ಪಾತ್ರವೇನು ? ಸರ್ಕಾರದ ವಿರುದ್ಧ ಸಿದ್ದರಾಮಯ್ಯ ವಾಗ್ದಾಳಿ

ಇದು ಈ ಭಾಗದ ಕೊನೆಯ ರೈಲಾಗಿದ್ದು, ವ್ಯಕ್ತಿ ಕಚೇರಿಯಿಂದ ಮನೆಗೆ ಹಿಂತಿರುಗುತ್ತಿದ್ದನು. ಈ ಲಗೇಜ್ ಕಂಪಾರ್ಟ್‌ಮೆಂಟ್‌ನಲ್ಲಿ ಇತರ ಪ್ರಯಾಣಿಕರೂ ಕುಳಿತಿದ್ದರು. ಈ ರೈಲು ವಿರಾರ್‌ ರೈಲು ನಿಲ್ದಾಣದ ಪ್ಲಾಟ್‌ಫಾರ್ಮ್ 3 ರಂದು ಬೆಳಗಿನ ಜಾವ 2.30 ರ ಸುಮಾರಿಗೆ ತಲುಪಿತು. ದಾಳಿಕೋರ ನಾಲ್ವರು ಕೂಡ ಇಲ್ಲೇ ಇಳಿದಿದ್ದಾರೆ. ಈ ನಾಲ್ವರು ಸಂತ್ರಸ್ತ ವ್ಯಕ್ತಿಯನ್ನು ಮಾತನಾಡಿಸುತ್ತ ಮುನ್ನಡೆದು, 3-4 ಪ್ಲಾಟ್‌ಫಾರ್ಮ್‌ಗಳ ಎಸ್ಕಲೇಟರ್ ಅನ್ನು ಹತ್ತಿದಾಗ ನಾಲ್ವರ ನಡುವೆ ಸಂತ್ರಸ್ತ ಸಿಕ್ಕಿಬಿದ್ದು, ಹಲ್ಲೆಗೊಳಗಾದರು. ಸಂತ್ರಸ್ತ ವ್ಯಕ್ತಿಯ ಮೊಬೈಲ್ ಹಾಗೂ ಚಿನ್ನದ ಸರವನ್ನು ಕಿತ್ತುಕೊಂಡಿದ್ದರು.

ಸಂತ್ರಸ್ತ ವ್ಯಕ್ತಿ ಮಹಿಳೆ ಆಗಿದ್ದು, ಅವರು ನೀಡಿದ ದೂರಿನ ಪ್ರಕಾರ ನಾವು ಸಿಸಿಟಿವಿ ದೃಶ್ಯಗಳನ್ನು ಪರಿಶೀಲಿಸಲು ಪ್ರಾರಂಭಿಸಿದ್ದೇವೆ. ಈ ನಾಲ್ವರು ಆರೋಪಿಗಳು ಮೆರೈನ್ ಲೈನ್ಸ್ ನಿಲ್ದಾಣದಿಂದ ಬಂದಿರುವುದನ್ನು ನಾವು ಕಂಡುಕೊಂಡಿದ್ದೇವೆ ಎಂದು ಜಿಆರ್‌ಪಿ ಅಧಿಕಾರಿಯೊಬ್ಬರು ತಿಳಿಸಿದರು.