ಚೀನಾದಲ್ಲಿ ಬೆಂಕಿಗೆ ಆಹುತಿಯಾಗುತ್ತಿದ್ದ ಕಟ್ಟಡವನ್ನು ಮಾನವ ಸರಪಳಿ ನಿರ್ಮಿಸಿ ಏರಿದ 6 ಮಂದಿ ಪುರುಷರು ಇಬ್ಬರು ಮಕ್ಕಳನ್ನು ಕಾಪಾಡುವ ಮೂಲಕ ಸೋಶಿಯಲ್ ಮೀಡಿಯಾದಲ್ಲಿ ಮನ್ನಣೆ ಗಳಿಸುತ್ತಿದ್ದಾರೆ. ಅಗ್ನಿಗಾಹುತಿಯಾಗುತ್ತಿದ್ದ ಕಟ್ಟಡದ ಕಬ್ಬಿಣದ ಗ್ರಿಲ್ಗಳ ಸಹಾಯದಿಂದ ಈ ಹೀರೋಗಳು ಮಕ್ಕಳನ್ನು ರಕ್ಷಿಸಿದ್ದಾರೆ.
ಸ್ಥಳೀಯ ಮಾಧ್ಯಮಗಳು ನೀಡಿರುವ ಮಾಹಿತಿಯ ಪ್ರಕಾರ ಕ್ಸಿಂಷಿಯನ್ ಎಂಬಲ್ಲಿ ಈ ಘಟನೆ ಸಂಭವಿಸಿದೆ. ಕಟ್ಟಡದ ಮೂರನೇ ಮಹಡಿಯಲ್ಲಿ ಅಗ್ನಿ ಅವಘಡ ಸಂಭವಿಸಿದ್ದು ಇಬ್ಬರು ಹೆಣ್ಣು ಮಕ್ಕಳು ಒಳಗಡೆ ಸಿಲುಕಿಹಾಕಿಕೊಂಡಿದ್ದರು.
ಈ ಮಕ್ಕಳನ್ನು ಕಾಪಾಡಲು ಸಲುವಾಗಿ 6 ಮಂದಿ ಪುರುಷರು ಮಾನವ ಸರಪಳಿ ನಿರ್ಮಿಸಿ ಕಬ್ಬಿಣದ ಗ್ರಿಲ್ ಹಿಡಿದು ಏರುವ ಮೂಲಕ ಕಿಟಕಿಯಿಂದ ಮಕ್ಕಳನ್ನು ಹೊರ ಕರೆತಂದಿದ್ದಾರೆ. ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದ್ದು, ನಿಜವಾದ ಹೀರೋಗಳು ಅಂದರೆ ಇವರು ಎಂದು ನೆಟ್ಟಿಗರು ಪ್ರಶಂಸೆ ವ್ಯಕ್ತಪಡಿಸುತ್ತಿದ್ದಾರೆ.
Loading ...