ದಾರಿ ತಪ್ಪಿದ ಪತ್ನಿ, ಆಕೆಯ ಪ್ರಿಯಕರನಿಂದಲೇ ಕೊಲೆಯಾದ ಪತಿ

ಬಿಜ್ನೋರ್: ಉತ್ತರ ಪ್ರದೇಶದ ಬಿಜ್ನೋರ್ ಜಿಲ್ಲೆಯಲ್ಲಿ ವ್ಯಕ್ತಿಯೊಬ್ಬನ ಕೊಲೆ ಮಾಡಲಾಗಿದೆ. ಪ್ರಕರಣದಲ್ಲಿ ಆತನ ಪತ್ನಿ, ಪ್ರಿಯಕರ ಮತ್ತು ಆತನ ಸ್ನೇಹಿತ ಭಾಗಿಯಾಗಿದ್ದಾರೆ.

ರಾಜೇಶ್ ಕಶ್ಯಪ್ ಮೃತಪಟ್ಟ ವ್ಯಕ್ತಿ. ರಾಜೇಶ್ ಪತ್ನಿ ರೀಟಾ ಮತ್ತು ಫಾಹಿಮ್ ವಿವಾಹೇತರ ಸಂಬಂಧ ಹೊಂದಿದ್ದರು. ಈ ವಿಷಯ ತಿಳಿದ ರಾಜೇಶ್ ಮನೆಗೆ ಬರದಂತೆ ಫಾಹೀಮ್ ತಾಕೀತು ಮಾಡಿದ್ದಾನೆ.

ಇದಾದ ನಂತರ ಫಹೀಮ್ ತನ್ನ ಸ್ನೇಹಿತ ಸುರೇಶ್ ಮತ್ತು ರೀಟಾ ಜೊತೆಗೂಡಿ ಕಶ್ಯಪ್‌ ನನ್ನು ಕೊಲ್ಲಲು ಸಂಚು ರೂಪಿಸಿದ್ದ.

ಶುಕ್ರವಾರ ಮೂವರು ಸೇರಿ ರಾಜೇಶ್‌ನನ್ನು ಏಕಾಂತ ಸ್ಥಳಕ್ಕೆ ಕರೆದೊಯ್ದು ಸ್ಕಾರ್ಫ್‌ನಿಂದ ಕತ್ತು ಹಿಸುಕಿ ಕೊಲೆ ಮಾಡಿದ್ದಾರೆ. ಜೋಡುವಾಳ ಗ್ರಾಮದ ಬಳಿ ಇರುವ ಒಣ ಕಾಲುವೆಗೆ ಶವ ಎಸೆದಿದ್ದಾರೆ.

ಶವವನ್ನು ವಶಪಡಿಸಿಕೊಳ್ಳಲಾಗಿದ್ದು, ಫಾಹಿಮ್ ಮತ್ತು ಸುರೇಶ್ ಅವರನ್ನು ಶನಿವಾರ ವಶಕ್ಕೆ ಪಡೆಯಲಾಗಿದೆ ಎಂದು  ಕೊತ್ವಾಲಿ ಎಸ್‌ಹೆಚ್‌ಒ ರಾಜೀವ್ ಚೌಧರಿ ತಿಳಿಸಿದ್ದಾರೆ.

ವಿಚಾರಣೆ ವೇಳೆ ರಾಜೇಶ್ ಪತ್ನಿ ರೀಟಾ ಜೊತೆ ಅಕ್ರಮ ಸಂಬಂಧ ಹೊಂದಿದ್ದೆ. ಈ ವಿಷಯ ತಿಳಿದ ರಾಜೇಶ್ ಮನೆಗೆ ಬರದಂತೆ ನಿರ್ಬಂಧ ಹೇರಿದ್ದ ಎಂದು ಫಾಹೀಮ್ ಪೊಲೀಸರಿಗೆ ತಿಳಿಸಿದ್ದಾನೆ.

ಸ್ಕಾರ್ಫ್, ಸಂತ್ರಸ್ತೆಯ ಪರ್ಸ್ ಮತ್ತು ಮೊಬೈಲ್ ಅನ್ನು ವಶಪಡಿಸಿಕೊಂಡಿದ್ದು, ತಲೆಮರೆಸಿಕೊಂಡಿರುವ ರೀಟಾಳನ್ನು ಹಿಡಿಯಲು ಪ್ರಯತ್ನಿಸಲಾಗುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.