ಮುರುಘಾ ಶರಣರನ್ನು ಭೇಟಿಯಾದ ಮಾಜಿ ಶಾಸಕ ಮಹಿಮಾ ಪಟೇಲ್ ಹೇಳಿದ್ದೇನು ಗೊತ್ತಾ…?

ಚಿತ್ರದುರ್ಗ: ಮುರುಘಾ ಶರಣರ ವಿರುದ್ಧ ಪೋಕ್ಸೋ ಕಾಯ್ದೆಯಡಿ ಕೇಸ್ ವಿಚಾರಕ್ಕೆ ಸಂಬಂಧಿಸಿದಂತೆ ಚಿತ್ರದುರ್ಗದ ಮುರುಘಾ ಮಠಕ್ಕೆ ಮಾಜಿ ಶಾಸಕ ಮಹಿಮಾ ಪಟೇಲ್ ಭೇಟಿ ನೀಡಿದ್ದಾರೆ.

ಶರಣರ ವಿರುದ್ಧ ಆಪಾದನೆ ಕರುನಾಡಿಗೆ ಆಘಾತಕಾರಿ ಸುದ್ದಿಯಾಗಿದೆ. ಶ್ರೀಗಳನ್ನು ಭೇಟಿಯಾಗಿ ಆತ್ಮಸ್ಥೈರ್ಯ ತುಂಬಿದ್ದೇವೆ. ಶರಣರು ಸಮಚಿತ್ತದಿಂದ ಇದ್ದಾರೆ. ಆಪಾದನೆಗೆ ಸೂಕ್ತ ಪರಿಹಾರ ಸಿಗುವ ಸಂದರ್ಭ ಇದೆ. ಪ್ರಸ್ತುತ ಸಂದರ್ಭದಲ್ಲಿ ರಾಜಕಾರಣ, ಮಠಗಳಲ್ಲಿ ಗೊಂದಲಗಳಿವೆ. ದುರುದ್ದೇಶದಿಂದ ಆಪಾದನೆ ಮಾಡಿದ್ದರೆ, ಚರ್ಚೆಯಿಂದ ಬಗೆಹರಿಯಲಿ ಎಂದು ಶ್ರೀಗಳನ್ನು ಭೇಟಿಯಾದ ಬಳಿಕ ಮಾಜಿ ಶಾಸಕ ಮಹಿಮಾ ಪಟೇಲ್ ಹೇಳಿದ್ದಾರೆ.