ಮಧುರೈನ ಬಿಎಸ್ಸಿ ಮೂರನೇ ವರ್ಷದ ವಿದ್ಯಾರ್ಥಿ ಸೋಲಾರ್ ಶಕ್ತಿಯಿಂದ ಚಲಿಸಬಲ್ಲ ಬೈಸಿಕಲ್ನ್ನು ಆವಿಷ್ಕಾರ ಮಾಡಿದ್ದಾರೆ. ದಿ ಅಮೆರಿಕನ್ ಕಾಲೇಜು ವಿದ್ಯಾರ್ಥಿಯಾಗಿರುವ ಎಂ. ಧನುಷ್ ಕುಮಾರ್ ಈ ಸಾಧನೆಯನ್ನ ಮಾಡಿದ ವಿದ್ಯಾರ್ಥಿ. ಸೋಲಾರ್ ಸಹಾಯದಿಂದ ಬ್ಯಾಟರಿ ಚಾರ್ಜ್ ಆದ ಬಳಿಕ ಈ ಸೈಕಲ್ ಪ್ರತಿ ಗಂಟೆಗೆ 30 ಕಿಲೋಮೀಟರ್ ವೇಗದಲ್ಲಿ ಸಂಚರಿಸುತ್ತದೆ.
ನಾನು ಭೌತಶಾಸ್ತ್ರ ವಿಭಾಗದಲ್ಲಿ ವ್ಯಾಸಂಗ ಮಾಡುತ್ತಿರೋದ್ರಿಂದ ಹಾಗೂ ಎಲೆಕ್ಟ್ರಿಕ್ ಮತ್ತು ಸೋಲಾರ್ ಪವರ್ ವಾಹನಗಳ ನಮ್ಮ ಭವಿಷ್ಯ ಕೂಡ ಆಗಿರೋದ್ರಿಂದ ನಾನು ಐಡಿಯಾವನ್ನ ಉಪಯೋಗಿಸಿದೆ ಎಂದು ಧನುಷ್ ಕುಮಾರ್ ಹೇಳಿದ್ದಾನೆ.
ಸೋಲಾರ್ನ ಸಹಾಯದಿಂದ ಬೈಸಿಕಲ್ 50 ಕಿಲೋಮೀಟರ್ವರೆಗೆ ನಿರಂತರವಾಗಿ ಚಲಿಸಲಿದೆ. ಹಾಗೂ ಪ್ರತಿ ಗಂಟೆಗೆ 30 ಕಿಲೋಮೀಟರ್ ವೇಗದಲ್ಲಿ ಚಲಿಸುವ ಸಾಮರ್ಥ್ಯ ಈ ಸೈಕಲ್ಗೆ ಇದೆ. ಸೋಲಾರ್ ಪವರ್ ಕಡಿಮೆ ಇದ್ದ ಸಂದರ್ಭದಲ್ಲಿ ಪೆಡಲ್ನ ಸಹಾಯದಿಂದಲೂ ಸೈಕಲ್ನ್ನು ಓಡಿಸಬಹುದಾಗಿದೆ.
ಈ ಸೈಕಲ್ನ್ನು ತಯಾರು ಮಾಡಲು ಧನುಷ್ ಸರಿ ಸುಮಾರು 25 ಸಾವಿರ ರೂಪಾಯಿ ಮೌಲ್ಯದ ವಸ್ತುಗಳನ್ನ ಬಳಕೆ ಮಾಡಿದ್ದಾರೆ. ನಿಜವಾಗಿ ಈ ಸೈಕಲ್ ತಯಾರು ಮಾಡಲು 18 ಸಾವಿರ ರೂಪಾಯಿ ಸಾಕಾಗುತ್ತದೆ. ಆದರೆ ಕೊರೊನಾ ಕಾರಣದಿಂದಾಗಿ ಕೆಲ ವಸ್ತುಗಳ ಬೆಲೆ ಏರಿಕೆ ಆಗಿರೋದ್ರಿಂದ ಸೈಕಲ್ ತಯಾರಿಕೆಯ ಮೇಲೂ ಪರಿಣಾಮ ಬೀರಿದೆ ಅಂತಾರೆ ಧನುಷ್. ವಿದ್ಯಾರ್ಥಿ ಧನುಷ್ನ ಸಾಧನೆಗೆ ಕಾಲೇಜು ಪ್ರಾಂಶುಪಾಲರಾದ ಡಾ. ಡಿ.ಎಂ. ದವಮಣಿ ಕ್ರಿಸ್ಟೋಬರ್ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.
Loading ...