ಪ್ರಕೃತಿ ವೈಚಿತ್ರ್ಯ; ಬೆಂಕಿಯ ಜೊತೆಗೆ ಮಿಂಚಿನ ಅಬ್ಬರ…!

ಎರಡು ದಿನಗಳ ಹಿಂದೆ ಉತ್ತರ ಕ್ಯಾಲಿಫೋರ್ನಿಯಾದಲ್ಲಿ ಗುಡುಗು ಸಹಿತ ಗಾಳಿಯಿಂದ ಕಾಡ್ಗಿಚ್ಚು ಉಲ್ಬಣಗೊಂಡಿತು. ಇದಾದ ಬಳಿಕ ಈ ಪ್ರದೇಶದಲ್ಲಿ ಭಾರಿ ಪ್ರಮಾಣದಲ್ಲಿ ಮಿಂಚು ಕಾಣಿಸಿದೆ.

ಫೋರ್ಟ್​ ಜೋನ್ಸ್​ನ ಪಶ್ಚಿಮಕ್ಕೆ 11 ಮೈಲುಗಳಷ್ಟು ದೂರದಲ್ಲಿ ಕ್ಲಾಮತ್​ ರಾಷ್ಟ್ರೀಯ ಉದ್ಯಾನದಲ್ಲಿ ಈ ಟನೆ ನಡೆದಿದಿದ್ದು. ಬಿರುಗಾಳಿ ಕಾಣಿಸಿಕೊಂಡಿದ್ದು, ನಂತರ ಬೆಂಕಿ ಕಾಣಿಸಿದೆ.

ಬೆಂಕಿ ಅಬ್ಬರದ ನಡುವೆ ಅದೇ ಭಾಗದಲ್ಲಿ ದೊಡ್ಡ ಪ್ರಮಾಣದಲ್ಲಿ ಮಿಂಚು ಕಾಣಿಸಿದ್ದು ಈ ಸಂದರ್ಭ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಇನ್​ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡ ಸಣ್ಣ ಕ್ಲಿಪ್​ನಲ್ಲಿ ಬೆಂಕಿಯಿಂದಾಗಿ ಕೆಂಪಾಗಿ ಕಾಣುವ ಪ್ರದೇಶದಲ್ಲಿ ಮಿಂಚು ಹೊಡೆಯುವುದನ್ನು ಕಾಣಬಹುದು.

ಅಗ್ನಿಶಾಮಕ ದಳದವರು ಬೆಂಕಿ ನಂದಿಸಲು ಮತ್ತು ಜನರನ್ನು ಸ್ಥಳಾಂತರಿಸಲು ಪ್ರಯತ್ನಿಸುತ್ತಿದ್ದಾರೆ ಎಂದು ಅರಣ್ಯ ಸೇವೆಯು ಫೇಸ್​ಬುಕ್​ನಲ್ಲಿ ಉಲ್ಲೇಖಿಸಲಾಗಿದ್ದು, ಅಂದಾಜು 30,000 ರಿಂದ 40,000 ಎಕರೆ ಪ್ರದೇಶವು ಬೆಂಕಿಯಲ್ಲಿ ಸುಟ್ಟುಹೋಗಿದೆ ಎಂದು ಮಾಹಿತಿ ನೀಡಿದೆ.

ಬೆಂಕಿಯ ಪ್ರದೇಶದಲ್ಲಿ ಕ್ಯುಮುಲಸ್​ ಮೋಡಗಳು ಅಭಿವೃದ್ಧಿಗೊಳ್ಳುತ್ತಿವೆ, ಇದು ಬೆಂಕಿಯನ್ನು ಉಲ್ಬಣಗೊಳಿಸುವ ಸಾಮರ್ಥ್ಯ ಹೊಂದಿದೆ. ಹೀಗಾಗಿ ಬೆಂಕಿ ಇನ್ನಷ್ಟು ವ್ಯಾಪಿಸುವುದನ್ನು ತಡೆಯಲು ವಿಮಾನದ ಮೂಲಕ ಬೆಂಕಿ ನಂದಿಸುವ ಕೆಲಸ ಮುಂದುವರಿದಿದೆ.

ಶನಿವಾರ ಸಿಸ್ಕಿಯು ಕೌಂಟಿಯ ಕೆಲವು ಭಾಗಗಳಿಂದ ಜನರನ್ನು ಕಡ್ಡಾಯವಾಗಿ ಸ್ಥಳಾಂತರಿಸುವ ಆದೇಶವನ್ನು ಸಹ ನೀಡಲಾಗಿದೆ.