ರೆಮ್ ಡಿಸಿವಿರ್ ಔಷಧ ಅಕ್ರಮ ಮಾರಾಟ; ಕಾಳಸಂತೆಯಲ್ಲಿ ಒಂದು ಇಂಜಕ್ಷನ್ ಗೆ ಈ ಖದೀಮರು ನಿಗದಿ ಮಾಡಿದ ಬೆಲೆ ಎಷ್ಟುಗೊತ್ತಾ…..??

ಬೆಂಗಳೂರು: ರಾಜ್ಯದಲ್ಲಿ ಮಹಾಮಾರಿ ಕೊರೊನಾ ಸೋಂಕಿಗೆ ಔಷಧಿ ಸಿಗದೇ ಜನರು ಸಾವನ್ನಪ್ಪುತ್ತಿದ್ದಾರೆ. ಇನ್ನೊಂದೆಡೆ ಕೊರೊನಾ ಸೋಂಕಿಗೆ ಪ್ರಮುಖ ಔಷಧವಾಗಿರುವ ರೆಮ್ ಡಿಸಿವಿರ್ ಕಾಳಸಂತೆಯಲ್ಲಿ ಎಗ್ಗಿಲ್ಲದೇ ಮಾರಾಟವಾಗುತ್ತಿದೆ. ಈ ಅಕ್ರಮದ ವಿರುದ್ಧ ಸಮರ ಸಾರಿರುವ ಸಿಸಿಬಿ ಪೊಲೀಸರು ಇದೀಗ ಮೂವರು ಖದೀಮರನ್ನು ಬಂಧಿಸಿದ್ದಾರೆ.

ಬಂಧಿತರನ್ನು ರಾಜೇಶ್, ಶಕೀಬ್, ಸೋಹೈಲ್ ಎಂದು ಗುರುತಿಸಲಾಗಿದೆ. ಮೂವರೂ ರೆಮ್ ಡಿಸಿವಿರ್ ಔಷಧವನ್ನು ಸಂಗ್ರಹಿಸಿ ಅಕ್ರಮವಾಗಿ ಮಾರಾಟ ಮಾಡುತ್ತಿದ್ದರು.

ಒಂದು ಇಂಜಕ್ಷನ್ ಗೆ 10,500 ರೂ. ನಿಗದಿ ಮಾಡಿ ಕಾಳಸಂತೆಯಲ್ಲಿ ಮಾರುತ್ತಿದ್ದರು. ಖಚಿತ ಮಾಹಿತಿ ಮೇರೆಗೆ ದಾಳಿ ನಡೆಸಿದ ಸಿಸಿಬಿ ಪೊಲೀಸರು ಮೂವರು ಆರೋಪಿಗಳನ್ನು ಬಂಧಿಸಿದ್ದು, ಬಂಧಿತರಿಂದ 11 ಬಾಟಲ್ ರೆಮ್ ಡಿಸಿವಿರ್ ಔಷಧ ವಶಕ್ಕೆ ಪಡೆದಿದ್ದಾರೆ.