ರಜೆಯ ಮಜಕ್ಕೆ ಹೇಳಿ ಮಾಡಿಸಿದ ಸ್ಥಳ ಬುರುಡೆ ಫಾಲ್ಸ್….!

ಮಲೆನಾಡು ಅಂದಮೇಲೆ ಜಲಪಾತಗಳು ಇಲ್ಲ ಅಂದರೆ ಹೇಗೆ..? ಆದರೆ ಎಲ್ಲಾ ಜಲಪಾತಗಳು ಜನರಿಗೆ ಹೆಚ್ಚು ಚಿರಪರಿಚಿತವಾಗಿಲ್ಲ. ಉತ್ತರ ಕನ್ನಡ ಜಿಲ್ಲೆಯ ಸಿದ್ದಾಪುರ ಪಟ್ಟಣದಿಂದ 20ಕಿಲೋಮೀಟರ್​ ದೂರದಲ್ಲಿ ನಿಮಗೆ ಹಚ್ಚ ಹಸಿರಿನ ಮಲೆನಾಡಿನ ಮಧ್ಯೆ ಸುಂದರ ಜಲಪಾತ ಕಾಣಸಿಗುತ್ತೆ. ಇದನ್ನ ಬುರುಡೆ ಫಾಲ್ಸ್​ ಎಂದು ಕರೆಯುತ್ತಾರೆ.

ಈ ಬುರುಡೆ ಫಾಲ್ಸ್​ಗೆ ಇಳಿಮನೆ ಫಾಲ್ಸ್ ಎಂಬ ಹೆಸರೂ ಇದೆ. ಚಾರಣಪ್ರಿಯರಿಗೆ ಇದು ಹೇಳಿ ಮಾಡಿಸಿದಂತಹ ಪಿಕ್​ನಿಕ್​ ಸ್ಪಾಟ್​ ಆಗಿದೆ. ಆದರೆ ಮಳೆಗಾಲದ ಸಂದರ್ಭದಲ್ಲಿ ಈ ಜಾಗಕ್ಕೆ ಭೇಟಿ ನೀಡೋದು ಅಷ್ಟೊಂದು ಸೂಕ್ತವಲ್ಲ, ಇಲ್ಲಿನ ಕಲ್ಲುಗಳು ತುಂಬಾನೆ ಜಾರೋದ್ರಿಂದ ಮಳೆಗಾಲದಲ್ಲಿ ಜಲಪಾತಕ್ಕೆ ಭೇಟಿ ನೀಡೋ ಪ್ಲಾನ್​ ಮಾಡದಿದ್ದರೇನೆ ಒಳ್ಳೆಯದು.

ಸಿದ್ದಾಪುರದಿಂದ ನೀವು ಸೋವಿನ ಕೊಪ್ಪ ಮಾರ್ಗವಾಗಿ ಈ ಫಾಲ್ಸ್ ತಲುಪಬಹುದಾಗಿದೆ. ಶಿರಸಿಯಿಂದ ಈ ಫಾಲ್ಸ್​ಗೆ ಬರುವವರಾದ್ರೆ ಸಿದ್ದಾಪುರ ಕುಮಟಾ ರಸ್ತೆ ಮೂಲಕ ಕ್ಯಾದಗಿ ಗ್ರಾಮಕ್ಕೆ ಬಂದು ನೀವು ಬುರುಡೆ ಫಾಲ್ಸ್ ತಲುಪಬೇಕಾಗುತ್ತದೆ. ಶಿರಸಿಯಿಂದ ಇದು ಸುಮಾರು 40 ಕಿಮೀ ದೂರದಲ್ಲಿದ್ದರೆ ಸಿದ್ದಾಪುರದಿಂದ 20 ಕಿಲೋಮೀಟರ್​ ದೂರದಲ್ಲಿದೆ.