ಬೆಂಗಳೂರು ಮೂಲದ ಜಯಂತ್ ಸೀಗೆ ಬಾಲಿವುಡ್ ಬಾದ್ ಶಾ ಶಾರೂಖ್ ಖಾನ್ರನ್ನ ಭೇಟಿಯಾಗುವ ಪಣ ತೊಟ್ಟಿದ್ದಾರೆ. ಬಾಲಿವುಡ್ ಸೂಪರ್ಸ್ಟಾರ್ ನಿವಾಸ ಮನ್ನತ್ನ ಹೊರಗೆ ಈ ನಿರ್ಮಾಪಕ ಹಲವು ದಿನಗಳಿಂದ ಕಾತುರದಿಂದ ಕಾಯುತ್ತಿದ್ದಾರೆ. ಶಾರುಖ್ರನ್ನ ಭೇಟಿಯಾಗುವವರೆಗೂ ತಾವು ಇಲ್ಲೇ ಇರೋದಾಗಿ ಹೇಳಿದ್ದಾರೆ.
ಆಗಸ್ಟ್ನಲ್ಲಿ ನಾನು ಶಾರೂಖ್ ಸಂದರ್ಶನವನ್ನ ನೋಡುತ್ತಿದ್ದೆ. ಆಗ ಶಾರೂಖ್ ಝಿರೋ ಸಿನಿಮಾದ ಬಳಿಕ ಯಾವುದೇ ಹೊಸ ಸಿನಿಮಾಗೆ ಸಹಿ ಮಾಡಿಲ್ಲ ಎಂದು ಹೇಳಿದ್ರು. ಹೀಗಾಗಿ ನನ್ನ ಸಿನಿಮಾಗೆ ಶಾರೂಖ್ ಹೀರೋ ಆದರೆ ಹೇಗೆ ಅಂತಾ ಯೋಚನೆ ಮಾಡಿದೆ. ರಾತ್ರಿಯಿಡೀ ಕೂತು ಸಿನಿಮಾದ ಪೋಸ್ಟರ್ಗಳನ್ನ ನಿರ್ಮಾಣ ಮಾಡಿ ಅದನ್ನ ಟ್ವೀಟ್ ಮಾಡಿ ಶಾರೂಖ್ರನ್ನ ಟ್ಯಾಗ್ ಮಾಡಿದ್ದೇನೆ ಎಂದು ಹೇಳಿದ್ರು.
ಇದೀಗ ಶಾರೂಖ್ ಖಾನ್ಗೆ ತನ್ನ ಸ್ಕ್ರಿಪ್ಟ್ ಬಗ್ಗೆ ಮುಖಾಮುಖಿಯಾಗಿ ಮಾತನಾಡಲಿಕ್ಕಾಗಿ ಡಿಸೆಂಬರ್ನಲ್ಲಿ ಜಯಂತ್ ಬೆಂಗಳೂರಿನಿಂದ ಮುಂಬೈಗೆ ಪ್ರಯಾಣ ಬೆಳೆಸಿದ್ರು. ಅಂದಿನಿಂದ ಪ್ರತಿದಿನ ಸೂರ್ಯೋದಯದಿಂದ ಮಧ್ಯರಾತ್ರಿಯವರೆಗೂ ಶಾರೂಖ್ ಮನೆ ಬಾಗಿಲಲ್ಲೇ ನಿಂತು ಕಾಯುತ್ತಾರೆ. ಶಾರೂಖ್ ಮನೆಯ ಭದ್ರತಾ ಸಿಬ್ಬಂದಿ ಕೂಡ ಸ್ನೇಹದಿಂದ ವರ್ತಿಸಿದ್ದಾರಂತೆ.
ಶಾರೂಖ್ ಖಾನ್ ತಮ್ಮ ಸಿನಿಮಾಗೆ ಸಹಿ ಮಾಡುವವರೆಗೂ ಇಲ್ಲೇ ಇರ್ತೇನೆ ಅನ್ನೋ ಜಯಂತ್ ಸಾಮಾಜಿಕ ಜಾಲತಾಣದಲ್ಲಿ ತಮಗೆ ಸಾಥ್ ನೀಡಿದ ಪ್ರತಿಯೊಬ್ಬರಿಗೂ ಧನ್ಯವಾದ ಹೇಳಿದ್ದಾರೆ.
Loading ...