ಜಪಾನ್: ಜಪಾನಿನ ವ್ಯಕ್ತಿಯೊಬ್ಬರು ಜನಪ್ರಿಯ ರೆಸ್ಟೋರೆಂಟ್ ಒಂದರಲ್ಲಿ ನೂಡಲ್ಸ್ ಖರೀದಿಸಿದ್ದು ಅದೀಗ ಭಾರಿ ಸುದ್ದಿಯಾಗಿದೆ. ಅದಕ್ಕೆ ಕಾರಣ ನೂಡಲ್ಸ್ನಲ್ಲಿ ಜೀವಂತ ಕಪ್ಪೆಯನ್ನು ಅವರು ನೋಡಿದ್ದಾರೆ. ಇದರಿಂದ ಗಾಬರಿಗೊಂಡ ಅವರು ಇದರ ವಿಡಿಯೋ ಶೇರ್ ಮಾಡಿದ್ದಾರೆ.
ಕೈಟೊ ಎಂಬ ವ್ಯಕ್ತಿ ಇದರ ವಿಡಿಯೋ ಶೇರ್ ಮಾಡಿದ್ದಾರೆ. ನೂಡಲ್ಸ್ನಲ್ಲಿ ಜೀವಂತ ಕಪ್ಪೆ ನೋಡಿದ್ದುದಾಗಿ ಹೇಳಿದ್ದಾರೆ. ನೂಡಲ್ಸ್ನ ಹೆಚ್ಚಿನ ಭಾಗವನ್ನು ತಿಂದು ಮುಗಿಸಿದಾಗ ಕಪ್ಪೆ ಕಂಡಿತು ಎಂದಿದ್ದಾರೆ.
ಗೋಧಿ ಹಿಟ್ಟಿನಿಂದ ಮಾಡಿದ ದಪ್ಪ ನೂಡಲ್ಸ್ ಉಡಾನ್ ಆರ್ಡರ್ ಮಾಡಿದ್ದೆ. ಇದನ್ನು ಜಪನೀಸ್ ಪಾಕಪದ್ಧತಿಯಲ್ಲಿ ಬಳಸಲಾಗುತ್ತದೆ. ನಾನು ಜಪಾನ್ ಪ್ರವಾಸದಲ್ಲಿ ಇದ್ದಾಗ ಇದನ್ನು ಆರ್ಡರ್ ಮಾಡಿದೆ. ಇಲ್ಲಿಯ ಪ್ರಸಿದ್ಧ ರೆಸ್ಟೋರೆಂಟ್ ಟೇಕ್ಅವೇಗೆ ಇದನ್ನು ತಿನ್ನಲು ಹೋಗಿದ್ದೆ. ನೂಡಲ್ಸ್ ಬಹುತೇಕ ತಿಂದು ಮುಗಿಸಿದಾಗ ಕಪ್ಪೆ ಕಂಡಿತು. ನಂತರ ನೋಡಿದರೆ ಅದು ಚಲಿಸಲು ಪ್ರಾರಂಭಿಸಿತು ಎಂದಿದ್ದಾರೆ.
ಈ ಬಗ್ಗೆ ದೂರಿದ ನಂತರ, ರೆಸ್ಟೋರೆಂಟ್ ಮಾಲೀಕ ಕ್ಷಮೆ ಕೋರಿದ. ರೆಸ್ಟೋರೆಂಟ್ ಅನ್ನು ಕೇವಲ ಮೂರು ಗಂಟೆಗಳ ಕಾಲ ಮುಚ್ಚಿ ಮತ್ತೆ ಓಪನ್ ಮಾಡಲಾಯಿತು ಎಂದಿದ್ದಾರೆ.