ಬಿಕ್ಕಳಿಸಿ ಕಣ್ಣರಳಿಸಿದ ಮುದ್ದಿನ ಬೆಕ್ಕು;‌ ವಿಡಿಯೋ ವೈರಲ್

ಇತ್ತೀಚೆಗೆ ಜಾಲತಾಣಗಳಲ್ಲಿ ಸಾಕು ಪ್ರಾಣಿಗಳ ಮುದ್ದಿನಾಟವೇ ಎಲ್ಲರನ್ನೂ ಸೆಳೆಯುತ್ತವೆ. ಅದರಲ್ಲೂ ಬೆಕ್ಕು, ನಾಯಿಗಳ ಚಿನ್ನಾಟಕ್ಕೆ ಮನಸೋಲದವರಿಲ್ಲ.

ಇದೀಗ ಟ್ವಿಟ್ಟರ್ ನಲ್ಲಿ ಬೆಕ್ಕಿನ‌ ವಿಚಿತ್ರ ವರ್ತನೆಯ ವಿಡಿಯೋವೊಂದು ವೈರಲ್ ಆಗಿದ್ದು, ಪ್ರಾಣಿಪ್ರಿಯರಲ್ಲಿ ಹೊಸತೊಂದು ಚರ್ಚೆಯನ್ನೂ ಹುಟ್ಟುಹಾಕಿದೆ.

ಬೆಕ್ಕೊಂದು ಬಿಕ್ಕಳಿಸುತ್ತಿದ್ದು, ಈ ವೇಳೆ ಅದರ ಕಣ್ಣಿನ ಗುಡ್ಡೆಗಳು ಹಿಗ್ಗುವುದನ್ನು ಗಮನಿಸಬಹುದು. ಒಮ್ಮಿಂದೊಮ್ಮೆಲೆ ಕಣ್ಣರಳಿ, ಚಿಕ್ಕದಾಗುತ್ತದೆ.

ಈ ವಿಚಾರವೀಗ ಪ್ರಾಣಿಪ್ರಿಯರು ಮಾತ್ರವಲ್ಲದೆ, ಪ್ರಾಣಿಶಾಸ್ತ್ರಜ್ಞರಲ್ಲೂ ಬಹುವಿಧದ ಚರ್ಚೆಗೆ ಗ್ರಾಸ ಮಾಡಿಕೊಟ್ಟಿದೆ.