ಅದಾಗ ತಾನೇ ಅಂಬೆಗಾಲಿನಿಂದ ಎದ್ದು ಓಡಾಡುವ ಪುಟಾಣಿ ಬಾಲಕನೊಬ್ಬ ವಾದ್ಯಗೋಷ್ಠಿಯೊಂದರ ಸಿಬ್ಬಂದಿ ಜೊತೆಗೆ ಎಂಜಾಯ್ ಮಾಡುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
53 ಸೆಕೆಂಡ್ಗಳ ಈ ವಿಡಿಯೋದಲ್ಲಿ, ನಾನಾ ರೀತಿಯ ಉಪಕರಣಗಳನ್ನು ಹಿಡಿದ ವಾದಕರು ಬೀದಿಯೊಂದರಲ್ಲಿ ಹೋಗುತ್ತಿರುವ ದಾರಿಹೋಕರನ್ನು ಮನರಂಜಿಸುತ್ತಿರುವುದನ್ನು ನೋಡಬಹುದಾಗಿದೆ. ಇದೇ ವೇಳೆ, ತನ್ನ ಅಮ್ಮನೊಂದಿಗೆ ಆ ಜಾಗಕ್ಕೆ ಬಂದಿದ್ದ ಪುಟಾಣಿ ಬಹಳ ಖುಷಿಯಾಗಿ ಹೋಗಿ ಆ ವಾದಕರ ತಂಡದೊಂದಿಗೆ ಕುಣಿಯುತ್ತಿದ್ದಾನೆ.
ಇದೇ ವೇಳೆ ತನ್ನೊಂದಿಗೆ ಇದ್ದ ಆಟದ ಸಾಮಾನನ್ನು ಹಿಡಿದ ಈ ಪುಟಾಣಿ ವಾದಕರೊಂದಿಗೆ ಬಹಳ ಎಂಜಾಯ್ ಮಾಡುತ್ತಿರುವುದನ್ನು ನೋಡುವುದೇ ಒಂದು ಖುಷಿ.