ಫ್ಲೋರಿಡಾ: ವ್ಯಕ್ತಿಯೊಬ್ಬ ಮೊಸಳೆ ಮರಿಯನ್ನು ಮಗುವಿನಂತೆ ಎತ್ತಿಕೊಂಡು ಬಂದ ವಿಡಿಯೋ ಇತ್ತೀಚೆಗಷ್ಟೇ ಫ್ಲೋರಿಡಾದಲ್ಲಿ ಫೇಮಸ್ ಆಗಿತ್ತು.
ಈ ಬಾರಿ ಮೊಸಳೆಯೊಂದನ್ನು ವ್ಯಕ್ತಿಯೊಬ್ಬ ದರದರನೆ ಎಳೆದೊಯ್ಯುವ ವಿಡಿಯೋ ಟ್ವಿಟರ್ ನಲ್ಲಿ ಟ್ರೆಂಡ್ ಆಗಿದೆ.
ಟೋರಿ ಎಂಬುವವರು ಟ್ವಿಟರ್ನಲ್ಲಿ ವಿಡಿಯೋ ಶೇರ್ ಮಾಡಿದ್ದಾರೆ.
“ಫ್ಲೋರಿಡಾದಲ್ಲಿ ಏನು ಬೆಳೆಯುತ್ತದೆ ಎಂದು ಯಾವಾಗಲಾದರೂ ಯಾರಾದರೂ ಕೇಳಿದರೆ, ನಾನು ಈ ವಿಡಿಯೋ ತೋರಿಸುತ್ತೇನೆ. ಯಾವುದೇ ಅಪಾಯ ಮಾಡದ ಮೊಸಳೆಗಳು ಇವಾಗಿವೆ” ಎಂದು ಕ್ಯಾಪ್ಶನ್ ನೀಡಿದ್ದಾರೆ. ವಿಡಿಯೋವನ್ನು ಸೂಕ್ಷ್ಮವಾಗಿ ಗಮನಿಸಿದರೆ ಮೊಸಳೆಯ ಕಣ್ಣು ಹಾಗೂ ಬಾಯಿಯನ್ನು ಟೇಪ್ ನಿಂದ ಮುಚ್ಚಿರುವುದು ಕಾಣುತ್ತದೆ.
ಮತ್ತೊಂದು ಸಂಸ್ಥೆ ವಿಡಿಯೋವನ್ನು ರೀ ಟ್ವೀಟ್ ಮಾಡಿದ್ದು, ” ಅವರು ಅದನ್ನು ಶಿಕ್ಷಣಕ್ಕಾಗಿ ಎಳೆದೊಯ್ಯುತ್ತಿದ್ದಾರೆ” ಎಂದು ಕ್ಯಾಪ್ಶನ್ ಬರೆದುಕೊಂಡಿದೆ. ವಿಡಿಯೋವನ್ನು ಲಕ್ಷಾಂತರ ಜನ ವೀಕ್ಷಿಸಿದ್ದು, 64 ಸಾವಿರ ಜನ ಇಷ್ಟಪಟ್ಟಿದ್ದಾರೆ. ಸಾಕಷ್ಟು ಜನ ಕಮೆಂಟ್ ಮಾಡಿದ್ದಾರೆ.