ಜಾರಿ ಬೀಳುತ್ತಿರುವ ಬಾಲಕಿಯನ್ನು ರಕ್ಷಿಸಿದ ಸ್ಕೀ ರೆಸಾರ್ಟ್ ಸಿಬ್ಬಂದಿ

ನ್ಯೂಯಾರ್ಕ್: ಚೇರ್ ಕ್ರಾಫ್ಟ್ ನಿಂದ ಕೆಳಗೆ ಬೀಳುತ್ತಿದ್ದ ಬಾಲಕಿಯನ್ನು ಸ್ಕೀ ರೆಸಾರ್ಟ್ ಸಿಬ್ಬಂದಿ ರಕ್ಷಿಸಿದ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಅಮೆರಿಕಾ ನ್ಯೂಯಾರ್ಕ್ ನ ಕೆನಡಾಗ್ಯುವಾದ ಬ್ರಿಸ್ಟನ್ ಮೌಂಟೇನ್ ಸ್ಕೀ ರೆಸಾರ್ಟ್ ನಲ್ಲಿ ಘಟನೆ ನಡೆದಿದೆ.

ಐಸ್ ನಲ್ಲಿ ಸ್ಕೀ ( ಐಸ್ ನಲ್ಲಿ ಜಾರುವ ಕ್ರೀಡೆ) ಮಾಡಿದ ನಂತರ 14 ವರ್ಷದ ಬಾಲಕಿ ಮೋಜಿನ ತೊಟ್ಟಿಲು ಚೇರ್ ಕ್ರಾಫ್ಟ್ ನಲ್ಲಿ ಕುಳಿತಿದ್ದಳು. ಆದರೆ, ಚೇರ್ ಕ್ರಾಫ್ಟ್‌ ಖುರ್ಚಿಯಿಂದ ಜಾರಿ ಕೆಳಗೆ ಬೀಳುವ ಪರಿಸ್ಥಿತಿ ತಲುಪಿದ್ದಳು. ತಕ್ಷಣ ಅದನ್ನು ಗಮನಿಸಿದ ರೆಸಾರ್ಟ್ ಸಿಬ್ಬಂದಿ ಆಕೆಯನ್ನು ರಕ್ಷಿಸಿದ್ದಾರೆ.

ಬಾಲಕಿ ಚೇರ್ ಕ್ರಾಫ್ಟ್ ನಲ್ಲಿ ಸುಮಾರು 15 ಅಡಿ ಎತ್ತರದಲ್ಲಿದ್ದಳು. ಕೆಳಗೆ ಬಿದ್ದರೆ ಗಂಭೀರ ಗಾಯಗೊಳ್ಳುತ್ತಿದ್ದಳು. ರೆಸಾರ್ಟ್ ಸಿಬ್ಬಂದಿ ಚೇರ್ ಕ್ರಾಫ್ಟ್ ಕೆಳಗೆ ಚಾದರ ಹಿಡಿದಿದ್ದರು. ಎರಡು ನಿಮಿಷದಲ್ಲಿ ಆಕೆ ಕೈ ಬಿಟ್ಟು ಕೆಳಗೆ ಬಿದ್ದರೂ ನೋವಿಲ್ಲದೇ ಅಪಾಯದಿಂದ ಪಾರಾಗಿದ್ದಾಳೆ.