ಬೇಸಿಗೆ ಸಂದರ್ಭದಲ್ಲಿ ಸಾಮಾನ್ಯವಾಗಿ ಜಲಪಾತ, ಸಮುದ್ರ, ನದಿಗಳಲ್ಲಿ ಮನುಷ್ಯನ ಚಟುವಟಿಕೆ ಹೆಚ್ಚಾಗಿದ್ದು ಖುಷಿಯಾಗಿರಲು ಬಯಸುತ್ತಾರೆ. ಕೆಲವು ಪ್ರಾಣಿಗಳಿಗೂ ನೀರಲ್ಲಾಡುವುದೆಂದರೆ ಬಲು ಇಷ್ಟ.
ಇಲ್ಲೊಂದು ಕರಡಿ ನೀರಿನ ಟಬ್ ನಲ್ಲಿ ಮಕ್ಕಳಂತೆ ಆಡುವ ವಿಡಿಯೋ ಒಂದು ವೈರಲ್ ಆಗಿದೆ. ಕೈಕಾಲು ಬಡಿಯುತ್ತಾ ಖುಷಿ ಅನುಭವಿಸುವುದನ್ನು ವಿಡಿಯೋದಲ್ಲಿ ಕಾಣಬಹುದಾಗಿದೆ.
ಒರೆಗಾನ್ ಮೃಗಾಲಯದ ಇನ್ ಸ್ಟಾ ಖಾತೆಯಲ್ಲಿ ಈ ವಿಡಿಯೋ ಪೋಸ್ಟ್ ಆಗಿದ್ದು, ಆ ಕರಡಿಯನ್ನು ಟಕೋಡಾ ಎಂದು ಕರೆಯುತ್ತಾರಂತೆ. ಟಕೋಡಾ ರಕ್ಷಿತ ಪ್ರಾಣಿಗಳ ಪೈಕಿ ಒಂದಾಗಿದ್ದು, ಅದರ ಜನ್ಮದಾತರು ಅದರೊಟ್ಟಿಗಿಲ್ಲ.
ನೆಟ್ಟಿಗರು ಟಕೋಡಾ ನೀರಾಟವನ್ನು ಖುಷಿಯಿಂದ ಆನಂದಿಸಿ ಕಾಮೆಂಟ್ ಗಳನ್ನು ಮಾಡಿದ್ದಾರೆ.