ʼಕೊರೊನಾʼ ಕಾಲದಲ್ಲೂ ಮದುವೆ ಸಮಾರಂಭವನ್ನು ಸ್ಮರಣೀಯವನ್ನಾಗಿಸಿಕೊಂಡ ಜೋಡಿ

ಕೊರೊನಾ ವೈರಸ್ ಕಾಟದಿಂದಾಗಿ 2020 ರಲ್ಲಿ ಮದುವೆ ಆಗಬೇಕಿದ್ದವು, ಶುಭ ಸಮಾರಂಭಗಳನ್ನು ಇಟ್ಟುಕೊಂಡವರೆಲ್ಲಾ ಹತ್ತಿರದ ಸಂಬಂಧಿಕರನ್ನೂ ಆಹ್ವಾನಿಸಲು ಸಾಧ್ಯವಾಗದೇ ನಿರಾಸೆ ಅನುಭವಿಸುವಂತಾಗಿದೆ.

ಆದರೆ ಕೆಲ ಜನರು ಈ ಸಂದರ್ಭದಲ್ಲೂ ಸಹ ಬಹಳ ಕ್ರಿಯೇಟಿವ್‌ ಐಡಿಯಾಗಳನ್ನು ಉಪಯೋಗಿಸಿ ಈ ಸುಸಂದರ್ಭಗಳನ್ನು ಸ್ಪೆಷಲ್ ಮಾಡಿಕೊಂಡಿದ್ದಾರೆ. ಬ್ರಿಟನ್‌ನ ರೊಮಾನೀ ಹಾಗೂ ಸ್ಯಾಮ್‌ ರಾಂಡೂ-ಸ್ಮಿತ್‌ ದಂಪತಿ ಜುಲೈನಲ್ಲಿ ಮದುವೆ ಮಾಡಿಕೊಳ್ಳಬೇಕಿತ್ತು. ಆದರೆ ಕೋವಿಡ್-19 ನಿರ್ಬಂಧಗಳು ಇದ್ದ ಕಾರಣದಿಂದ ಈ ಸಮಾರಂಭವನ್ನು ಆಗಸ್ಟ್‌ 14ಕ್ಕೆ ಮುಂದೂಡಬೇಕಾಗಿ ಬಂದಿತ್ತು. ಸಮಾರಂಭದಲ್ಲಿ ಕೇವಲ 14 ಮಂದಿಗೆ ಭಾಗಿಯಾಗಲು ಮಾತ್ರವೇ ಅವಕಾಶ ನೀಡಲಾಗಿತ್ತು.

ಆದರೆ ತಮ್ಮ ಪ್ರೀತಿಪಾತ್ರರನ್ನು ಬಿಟ್ಟು ಮದುವೆ ಮಾಡಿಕೊಳ್ಳಲು ಈ ಜೋಡಿ ಸಿದ್ಧವಿರಲಿಲ್ಲ. ಇದಕ್ಕೊಂದು ಕ್ರಿಯೇಟಿವ್ ಐಡಿಯಾ ಮಾಡಿಕೊಂಡ ಈ ಜೋಡಿ, 48 ಅತಿಥಿಗಳ ಕಾರ್ಡ್‌‌ ಬೋರ್ಡ್ ಕಟೌಟ್‌ಗಳನ್ನು ಮಾಡಿಸಿ ಮದುವೆ ಆಗುತ್ತಿದ್ದ ಜಾಗದಲ್ಲಿ ಇರಿಸಿದ್ದಾರೆ. ಈ ವಿಶೇಷ ಸಮಾರಂಭದ ಚಿತ್ರವನ್ನು ‘Hawaiian Shirt Photography’ ಎಂಬ ಫೇಸ್‌ಬುಕ್ ಪೇಜ್‌ನಲ್ಲಿ ಪೋಸ್ಟ್ ಮಾಡಲಾಗಿದೆ.