ಇಲ್ಲೊಂದು ಮುದ್ದಾದ ನಾಯಿಮರಿ ಇದೆ. ಬೇರ್ ಎಂಬ ಹೆಸರಿನಿಂದ ಕರೆಯುವ ನಾಯಿಗೆ ನಾಲ್ಕು ವರ್ಷದ ಹರೆಯ. ತನ್ನ ಕ್ಯೂಟ್ ನೆಸ್ ನಿಂದಲೇ ತನ್ನ ಸುತ್ತಮುತ್ತಲ ಜನರ ಮನ ಗೆದ್ದಿದೆ. ವಿಶೇಷವೆಂದರೆ ಈ ನಾಯಿ ನಾಲಿಗೆಯಿಂದ ಎಲ್ಲರನ್ನು ಗಮನ ಸೆಳೆದಿದೆ.
ಪೊಮೆರಿಯನ್ ಹಾಗೂ ಶಿಹ್ ತ್ಸು ಮಿಶ್ರ ತಳಿಯ ಈ ಮರಿ ಮುದ್ದು ಮುದ್ದಾಗಿದ್ದು ತನ್ನ ನಾಲಿಗೆಯನ್ನು ಸದಾ ಹೊರಚಾಚಿಕೊಂಡಿರುತ್ತದೆ.
ಇದರ ಮಾಲೀಕ ಹೇಳುವಂತೆ, ಮರಿಗೆ ಆರು ತಿಂಗಳ ಇದ್ದಾಗಿನಿಂದಲೂ ಈ ರೀತಿ ನಾಲಿಗೆ ಹೊರ ಚಾಚಿಕೊಂಡಿರುವುದನ್ನು ಗಮನಿಸಿದ್ದಾರೆ.
ಇದು ವೈದ್ಯಕೀಯ ನಿರ್ಲಕ್ಷದಿಂದ ಆದ ಸಮಸ್ಯೆಯಲ್ಲ, ಆದರೆ ಇದು ಹೇಗೆ ಸಂಭವಿಸಿತು ಎಂಬುದನ್ನು ವಿವರಿಸಲು ಸಾಧ್ಯವಿಲ್ಲ ಎಂದು ಈ ಮರಿಯನ್ನು ಗಮನಿಸುವ ವೈದ್ಯರು ಹೇಳುತ್ತಾರೆ.
ನಾಲಿಗೆ ಹೊರ ಚಾಚಿಕೊಂಡಿರುವುದರಿಂದ ಆಗಿಂದಾಗೆ ನಾಲಿಗೆ ಒಣಗುವುದನ್ನು ಅದರ ಮಾಲೀಕರು ಗಮನಿಸಿದ್ದಾರೆ. ಇದು ನಾಯಿಗೆ ಯಾವುದೇ ಅಸ್ವಸ್ಥತೆ ಉಂಟುಮಾಡುವುದಿಲ್ಲ, ಒಣಗಿದಂತೆ ಕಾಣುತ್ತದೆ ಎಂದು ಅವರು ಹೇಳಿದ್ದಾರೆ.