ಕ್ರಿಸ್ಮಸ್ ಹಬ್ಬ ಎಂದ ಕೂಡಲೇ ನೆನಪಾಗೋದು ಚಳಿಗಾಲ, ಕ್ರಿಸ್ಮಸ್ ಗಿಡ, ಅಲಂಕಾರಿಕ ಸಾಧನ, ಸಾಂತಾಕ್ಲೂಸ್ ಹಾಗೂ ಸಿಕ್ಕಾಪಟ್ಟೆ ಉಡುಗೊರೆಗಳು. ಕ್ರಿಸ್ಮಸ್ ಹಬ್ಬ ಅಂದರೆ ಸಾಕು ಹಲವರು ತಮ್ಮ ಪ್ರೀತಿ ಪಾತ್ರರಿಂದ ಉತ್ತಮ ಉಡುಗೊರೆ ಸಿಗುತ್ತೆ ಎಂಬ ನಿರೀಕ್ಷೆಯಲ್ಲಿ ಇರ್ತಾರೆ.
ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆದ ವಿಡಿಯೋವೊಂದರಲ್ಲಿ ಈ ವರ್ಷದ ಕ್ರಿಸ್ಮಸ್ ಗಿಫ್ಟ್ ಬಾಕ್ಸ್ ತೆಗೆದ ಮೂವರು ಸಹೋದರರು ಸಂತೋಷದ ಕಡಲಲ್ಲಿ ತೇಲಾಡಿದ್ದಾರೆ.
ರೆಡ್ಡಿಟ್ನ ನಲ್ಲಿ ಹಂಚಿಕೊಳ್ಳಲಾಗಿರುವ ವಿಡಿಯೋದಲ್ಲಿ ಮೂವರು ಸಹೋದರರು ಕ್ರಿಸ್ಮಸ್ ಟ್ರೀಯನ್ನು ಅಲಂಕರಿಸಲಾದ ಕೊಠಡಿಯಲ್ಲಿ ಕುಳಿತಿರುತ್ತಾರೆ.
ಮಂಚದ ಮೇಲೆ ಕುಳಿತಿದ್ದ ಸಹೋದರರಿಗೆ ಕಣ್ಣು ಮುಚ್ಚಿಕೊಳ್ಳುವಂತೆ ಕುಟುಂಬಸ್ಥರು ಹೇಳ್ತಾರೆ. ಅವರು ಕಣ್ಣು ತೆರೆಯೋವಷ್ಟರಲ್ಲಿ ಕುಟುಂಬಸ್ಥರು ಅವರ ಮುಂದೆ ಬಾಕ್ಸೊಂದನ್ನ ಇಟ್ಟಿರ್ತಾರೆ.
ಮೂವರು ಸಹೋದರರು ಬಾಕ್ಸ್ ತೆರೆಯುತ್ತಿದ್ದಂತೆ ಪುಟ್ಟ ನಾಯಿಮರಿ ಕಾಣುತ್ತೆ. ಮೂವರಲ್ಲಿ ಓರ್ವನಂತೂ ಖುಷಿಯಲ್ಲಿ ಅಳೋಕೆ ಶುರು ಮಾಡುತ್ತಾನೆ. ಬಳಿಕ ಮೂವರೂ ಕೆಂಪು ಬಣ್ಣದ ಧಿರಿಸನ್ನ ಹಾಕಿದ್ದ ನಾಯಿಯನ್ನ ಮುದ್ದಾಡುತ್ತಾರೆ.
Loading ...