ಥೆರಪಿ ಶ್ವಾನಕ್ಕೆ ಆಸ್ಪತ್ರೆ ಸಿಬ್ಬಂದಿಯಿಂದ ಅದ್ಧೂರಿ ಬೀಳ್ಕೊಡುಗೆ

ಅಮೆರಿಕದ ವೈದ್ಯಕೀಯ ಕೇಂದ್ರವೊಂದರಲ್ಲಿ ಸೆರೆ ಹಿಡಿಯಲಾದ ಚಿತ್ರಗಳು ಇತ್ತೀಚೆಗೆ ಸಖತ್‌ ವೈರಲ್ ಆಗಿವೆ. ಥೆರಪಿ ಶ್ವಾನ ಟಸ್ಸಿಗೆ ಅದ್ಧೂರಿ ಬೀಳ್ಕೊಡುಗೆ ಸಮಾರಂಭ ಆಯೋಜಿಸಿದ್ದ ಕೇಂದ್ರದ ಸಿಬ್ಬಂದಿ, ಈ ಕ್ಷಣಗಳ ಚಿತ್ರಗಳನ್ನು ಸೆರೆ ಹಿಡಿದು ಸಾಮಾಜಿಕ ಜಾಲತಾಣದಲ್ಲಿ ಶೇರ್‌ ಮಾಡಿದ್ದಾರೆ.

ಆಸ್ಪತ್ರೆಯ ಸ್ವಯಂಸೇವಕ ಗೇರಿ ಅಜೆವೆಡೋ ಜೊತೆಗೆ ಹೆಜ್ಜೆ ಹಾಕುತ್ತಿರುವ ಟಾಸ್ಸಿಗೆ ಅಕ್ಕಪಕ್ಕ ನೆರೆದ ಅಲ್ಲಿನ ಸಿಬ್ಬಂದಿ ಮೆಚ್ಚುಗೆಯ ಚಪ್ಪಾಳೆಗಳ ಮೂಲಕ ಬೀಳ್ಕೊಟ್ಟಿದ್ದಾರೆ. ಟಾಸ್ಸಿ ಈ ಆಸ್ಪತ್ರೆಯಲ್ಲಿ ಕಳೆದ ಎಂಟು ವರ್ಷಗಳಿಂದ ಸೇವೆ ಸಲ್ಲಿಸುತ್ತಿದ್ದಾರೆ.

ಅನುಮತಿಯಿಲ್ಲದೆ ಫೋಟೋ ಕ್ಲಿಕ್ಕಿಸಿದವನಿಗೆ ಯುವತಿಯರಿಂದ ಹಿಗ್ಗಾಮುಗ್ಗಾ ತರಾಟೆ​..!

12 ವರ್ಷ ವಯಸ್ಸಿನ ಟಾಸ್ಸಿ ತಾನು ಆಸ್ಪತ್ರೆಯಲ್ಲಿದ್ದಷ್ಟೂ ದಿನ ತನ್ನ ಮೃದು ಸ್ವಭಾವದಿಂದ ಎಲ್ಲರ ಹೃದಯ ಗೆದ್ದಿದ್ದು, ಇದೀಗ ತನ್ನ ನಿವೃತ್ತ ಜೀವನವನ್ನು ಸುಖಕರವಾಗಿ ನಡೆಸಲಿ ಎಂದು ಆಸ್ಪತ್ರೆಯ ಸಿಬ್ಬಂದಿ ಹಾರೈಸಿ, ಆಕೆಗೆ ಬೀಳ್ಕೊಟ್ಟಿದ್ದಾರೆ.

https://www.facebook.com/dmcmodesto/posts/4057623500942661