ಸಹಾರಾ ಮರುಭೂಮಿಯ ಮೇಲೆ ಹಿಮದ ಹೊದಿಕೆ…!

ಭೂಗೋಳದ ಮೇಲಿನ ಅತ್ಯಂತ ಉಷ್ಣಮಯ ಪ್ರದೇಶವೊಂದರ ಮೇಲೆ ಹಿಮ ನೋಡುವುದು ಎಂದರೆ ಎಂತವರಿಗೂ ಪರಮಾಶ್ಚರ್ಯದ ಸಂಗತಿಯೇ. ಆದರೆ ಇದೇನು ಅಸಾಧ್ಯವಾದ ಪ್ರಕ್ರಿಯೆ ಏನಲ್ಲ.

ಉತ್ತರ ಆಫ್ರಿಕಾದ ಅಷ್ಟೂ ಭೂಭಾಗವನ್ನು ಆವರಿಸಿರುವ ಸಹಾರಾ ಮರುಭೂಮಿಯಲ್ಲೀಗ ತಾಪಮಾನ -2 ಡಿಗ್ರಿಯಷ್ಟು ಕೆಳಗೆ ಇಳಿದಿದ್ದು, ಹಿಮದ ಅಲೆಗಳನ್ನು ಎದುರಿಸುತ್ತಿದೆ.

ಸ್ಥಳೀಯ ಛಾಯಾಗ್ರಾಹಕ ಕರೀಂ ಬೌಷೆಟಾ ಈ ಘಟನೆಯ ಚಿತ್ರಗಳನ್ನು ಸೆರೆ ಹಿಡಿದಿದ್ದಾರೆ. ಅಲ್ಜೀರಿಯಾದ ಐನ್ ಸೆಫ್ರಾ ಎಂಬ ಪಟ್ಟಣದ ತಾಪಮಾನವು -3 ಡಿಗ್ರಿಗೆ ಇಳಿದ ಕಾರಣ ಮರುಭೂಮಿಯ ಮರಳಿನ ಮೇಲಿನ ಹಿಮದ ಹೊದಿಕೆಯ ಚಿತ್ರವನ್ನು ಸೆರೆ ಹಿಡಿದಿರುವ ಕರೀಂ, ಅವುಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್‌ ಮಾಡಿಕೊಂಡಿದ್ದಾರೆ.