ಸಾಮಾಜಿಕ ಅಂತರ ಪಾಲನೆಗೆ ಹೊಸ ವಿಧಾನ…!

ಕೊರೊನಾ ವೈರಸ್​​ ಸಾಂಕ್ರಾಮಿಕವನ್ನ ತಡೆಗಟ್ಟುವ ನಿಟ್ಟಿನಲ್ಲಿ ವಿಶ್ವದ ಹೆಸರಾಂತ ಫಾಸ್ಟ್​ಫುಡ್​ ತಯಾರಿಕಾ ಕಂಪನಿಗಳು ಹೊಸ ಕ್ರಮಗಳನ್ನ ಕೈಗೊಳ್ಳುತ್ತಿವೆ.

ಸಾಮಾಜಿಕ ಅಂತರ ಕಾಪಾಡುವಂತೆ ಪ್ರೇರೇಪಿಸುವ ಸಲುವಾಗಿ ಕೆಲ ಪ್ರಭಾವಶಾಲಿ ಕ್ರಮಗಳನ್ನ ಕೈಗೊಳ್ಳಲಾಗುತ್ತಿದೆ.

ಫಾಸ್ಟ್​ ಫುಡ್​ ಕಂಪನಿಗಳ ಪೈಕಿ ಮುಂಚೂಣಿಯಲ್ಲಿರುವ ಚೀನಾ ಸಾಮಾಜಿಕ ಅಂತರವನ್ನ ಕಾಪಾಡುವ ನಿಟ್ಟಿನಲ್ಲಿ ಸ್ವಯಂ ಚಾಲಿತ ಆಹಾರದ ಟ್ರಕ್​ ಒಂದನ್ನ ನಿಯೋಜನೆ ಮಾಡಿದೆ. ಸ್ವಯಂ ಚಾಲಿತ ಟ್ರಕ್​ಗಳ ಸಹಾಯದಿಂದಾಗಿ ಮಾನವ ಸಂಪರ್ಕ ಕಡಿಮೆಯಾಗಲಿದೆ.

ನಿಯೋಲಿಕ್ಸ್ ಶಾಂಘೈನಲ್ಲಿ ಅಭಿವೃದ್ಧಿಪಡಿಸಲಾದ ಟ್ರಕ್​ಗಳ ಸ್ಕ್ರೀನ್​​ನ್ನ ಬಳಸಿ ತಮ್ಮ ಬೇಕಾದ ಆಹಾರವನ್ನ ಬುಕ್​ ಮಾಡಬಹುದಾಗಿದೆ. ಹಾಗೂ ಮೊಬೈಲ್​ ಬ್ಯಾಂಕಿಂಗ್​ ಮೂಲಕ ಡಿಜಿಟಲ್​ ಪಾವತಿ ಮಾಡಬಹುದಾಗಿದೆ. ಪಾವತಿ ಯಶಸ್ವಿಯಾದ ಬಳಿಕ ಆಹಾರ ವಿಭಾಗದಲ್ಲಿರುವ ಫುಡ್​ಗಳನ್ನ ಗ್ರಾಹಕರು ಎತ್ತಿಕೊಳ್ಳಲು ಸ್ವಯಂಚಾಲಿತ ವಾಹನ ಅವಕಾಶ ನೀಡುತ್ತದೆ. ಆದರೆ ವಾಹನದಲ್ಲಿರುವ ಆಹಾರಗಳ ಗುಣಮಟ್ಟದ ಬಗ್ಗೆ ಅನೇಕರು ಕಳವಳ ವ್ಯಕ್ತಪಡಿಸುತ್ತಿದ್ದಾರೆ.