ಸೋಶಿಯಲ್ ಮೀಡಿಯಾದ ಈ ಜಮಾನದಲ್ಲಿ ಕಣ್ಣಿಗೆ ಕಂಡಿದ್ದನ್ನೆಲ್ಲ ನಿಜ ಎಂದು ನಂಬುವ ಹಾಗಿಲ್ಲ. ಫೋಟೋದಲ್ಲಿರುವ ವ್ಯಕ್ತಿಯೂ ನಿಜವಾಗಿಯೂ ಆತನ ರೂಪಕ್ಕೂ ಅಜಗಜಾಂತರ ವ್ಯತ್ಯಾಸವೇ ಇರಬಹುದು. ಅದರಲ್ಲೂ ಫೇಸ್ ಆಪ್ಗಳಂತಹ ಅಪ್ಲಿಕೇಶನ್ಗಳ ಸಹಾಯದಿಂದ ನಿಮ್ಮ ರೂಪವನ್ನ, ವಯಸ್ಸನ್ನ ಅಷ್ಟೇ ಯಾಕೆ ಲಿಂಗವನ್ನೇ ಫೋಟೋ ಮೂಲಕ ಬದಲಾಯಿಸಬಹುದು.
ಈ ಮಾತಿಗೆ ಉತ್ತಮ ಉದಾಹರಣೆ ಎಂಬಂತೆ 50 ವರ್ಷದ ವ್ಯಕ್ತಿಯೊಬ್ಬ ಹುಡುಗಿಯ ರೂಪದಲ್ಲಿ ತನ್ನ ಫೋಟೋಗಳನ್ನ ಕ್ಲಿಕ್ಕಿಸಿಕೊಂಡು ಸೋಶಿಯಲ್ ಮೀಡಿಯಾದಲ್ಲಿ ಹರಿಬಿಟ್ಟಿದ್ದಾರೆ. ಜಪಾನ್ನ ಈ ವ್ಯಕ್ತಿ ಟ್ವಿಟರ್ ಹಾಗೂ ಇನ್ಸ್ಟಾಗ್ರಾಂಗಳಲ್ಲಿ ಫೇಸ್ ಆಪ್ನ ಸಹಾಯದಿಂದ ಯುವತಿಯ ರೀತಿಯಲ್ಲಿ ತಮ್ಮ ಮುಖಚರ್ಯೆ ಬದಲಾಯಿಸಿದ ಫೋಟೋಗಳನ್ನ ಶೇರ್ ಮಾಡಿದ್ದಾರೆ.
ಕನ್ನಡಿ ಮುಂದೆ ನಿಂತು ತೆಗೆದ ಹಲವಾರು ಫೋಟೋಗಳಲ್ಲಿ ಈ ವ್ಯಕ್ತಿಯ ನಿಜ ರೂಪ ಬಯಲಾಗಿದೆ. ಇನ್ನು ಈ ವಿಚಾರವಾಗಿ ಮಾತನಾಡಿದ ಈತ, ನನಗೆ ಫೇಸ್ ಆಪ್ನ ಗೀಳು ಹತ್ತಿದೆ. ಈ ಅಪ್ಲಿಕೇಶನ್ ಸಹಾಯದಿಂದ ನಾನು ನನ್ನ ಮುಖವನ್ನ ಬದಲಾಯಿಸಿಕೊಳ್ಳಬಹುದು. ನಾನು 50 ವರ್ಷದ ಅಂಕಲ್. ನಾನು ಹೆಚ್ಚಾಗಿ ವರ್ಕ್ ಫ್ರಮ್ ಹೋಮ್ನಲ್ಲಿರುತ್ತೇನೆ ಎಂದು ಇನ್ಸ್ಟಾಗ್ರಾಂನಲ್ಲಿ ಹೇಳಿಕೊಂಡಿದ್ದಾರೆ.
Loading ...